Festas de San José en Dena.

A parroquia de Dena celebra o seu San José os próximos 18 e 19 de marzo de 2016.

O venres 18 terá lugar a Festa da Xuventude, a partir da 22:00 horas, con grupos coma Noite Fechada ou Xunta de Malisia.

O sábado 19 de marzo haberá Pasarrúas coa Agrupación Folclórica Penaguda e a Banda Unión Musical de Meaño.

Á unha da tarde será a Misa Solemne, cantada polo Coro Ría de Dena, e pola noite a Verbena correrá a cargo das orquestas Olympus e Abanico.

A partir da 1 da madrugada, repartirase chocolate e rosca gratis para os asistentes.

Non lle teñades medo á choiva porque haberá unha carpa no recinto da festa.

Últimas audicións.

Hoxe os xóvenes intérpretes da Escola de Música Municipal de Meaño fixeron a última xornada de audicións no Centro Social de Dena.

A nosa compañeira Maribel, que é alumna da escola, interpretou "Imagine" de John Lennon.

Parabéns Maribel!!!!

Concurso de Pasodobles.

Hoxe desfrutamos do concerto da Banda Unión Musical de Meaño en Ribadumia.

Celebrouse a final do Concurso de Pasodobles, que convocara a propia Banda.

O primeiro premio foi para a obra titulada "The rest is noise" de Antón Alcalde, que sae na primeira fotografía; o segundo, para "Cholita" de Armando Bernabeu, cuxo autor non puido acudir ao concerto; e o terceiro premio para "Muíños" de Josep Ros, que recibe o seu diploma na segunda fotografía. Esta última obra recibiu, ademais, a Mención de Honra dos Músicos.

Noraboa aos ganadores e parabéns á BUMM!!!

Manifestación en Santiago.

Hoxe tocou apoiar ao sector do mar en Santiago.

Moitas persoas de O Salnés fomos ata Santiago a dicir non a unha lei de acuicultura inxusta.

 Por un traballo digno e xusto!!!!

Sobre o prezo do Comedor Escolar

PETICIÓN DE DOCUMENTACIÓN

Dona Icía García Fernández, na súa condición de Voceira do Grupo Municipal Socialista no Concello de Meaño comparece e como mellor en Dereito proceda DI:

Que de conformidade co artigo 226 da vixente Lei 5/1997, do 22 de xullo, de Administración Local de Galicia, os Grupos políticos que compoñen a Corporación Municipal teñen dereito a obter do Alcalde ou Presidente da Comisión de Goberno cantos antecedentes, datos ou informacións consten en poder dos servicios da Corporación Municipal e lles cumpran para o desenvolvemento das súas funcións.

Que o asinante precisa da seguinte documentación:

Na acta da sesión extraordinaria e urxente da Xunta de Goberno Local de data de 27 de agosto do 2015, axdudicouse o servizo de catering para o Comedor escolar do CEIP Coirón á empresa SERUNION, S.A, no que se estipula o prezo do menú en 2,72€ (IVE incluido). Actualmente o prezo máximo que deben pagar os pais dos nenos por un menú é de 4,25€.

Por todo o anteriormente exposto, SOLICITO:

• Solicito da Alcaldía informe xustificativo e desglosado de cómo se chega ao prezo final do menú do comedor (4,25€).

En Meaño, a 26 de febreiro de 2016

Asdo. Icía García Fernández

Voceira do Grupo Municipal Socialista

SRA. ALCALDESA-PRESIDENTA DO EXCMO CONCELLO DE MEAÑO

Sobre a Ponte de Ganón

PETICIÓN DE DOCUMENTACIÓN

Dona Icía García Fernández, na súa condición de Voceira do Grupo Municipal Socialista no Concello de Meaño comparece e como mellor en Dereito proceda DI:

Que de conformidade co artigo 226 da vixente Lei 5/1997, do 22 de xullo, de Administración Local de Galicia, os Grupos políticos que compoñen a Corporación Municipal teñen dereito a obter do Alcalde ou Presidente da Comisión de Goberno cantos antecedentes, datos ou informacións consten en poder dos servicios da Corporación Municipal e lles cumpran para o desenvolvemento das súas funcións.

Que o asinante precisa da seguinte documentación:

No pleno do 8 de febrero do 2016 a alcaldesa, Lourdes Ucha, afirmou que solicitaran un informe técnico para coñecer o estado real da estructura da ponte de Ganón, Xil.

Por todo o anteriormente exposto, SOLICITO:

Solicito da Alcaldía do Concello de Meaño copia do informe técnico da ponte de Ganón.

En Meaño, a 26 de febreiro de 2016

Asdo. Icía García Fernández

Voceira do Grupo Municipal Socialista

SRA. ALCALDESA-PRESIDENTA DO EXCMO CONCELLO DE MEAÑO

Sobre a Ponte de Axís

PETICIÓN DE DOCUMENTACIÓN

Dona Icía García Fernández, na súa condición de Voceira do Grupo Municipal Socialista no Concello de Meaño comparece e como mellor en Dereito proceda DI:

Que de conformidade co artigo 226 da vixente Lei 5/1997, do 22 de xullo, de Administración Local de Galicia, os Grupos políticos que compoñen a Corporación Municipal teñen dereito a obter do Alcalde ou Presidente da Comisión de Goberno cantos antecedentes, datos ou informacións consten en poder dos servicios da Corporación Municipal e lles cumpran para o desenvolvemento das súas funcións.

Que o asinante precisa da seguinte documentación:

No pleno do 8 de febrero do 2016 a alcaldesa, Lourdes Ucha, afirmou que facía meses que se realizara un informe técnico para coñecer o estado da estructura da ponte de Axís, en Simes.

Por todo o anteriormente exposto, SOLICITO:

Solicito da Alcaldía do Concello de Meaño copia do informe técnico da ponte de Axís.

En Meaño, a 26 de febreiro de 2016

Asdo. Icía García Fernández

Voceira do Grupo Municipal Socialista

SRA. ALCALDESA-PRESIDENTA DO EXCMO CONCELLO DE MEAÑO

Sobre o Comedor Escolar

PETICIÓN DE DOCUMENTACIÓN

Dona Icía García Fernández, na súa condición de Voceira do Grupo Municipal Socialista no Concello de Meaño comparece e como mellor en Dereito proceda DI:

Que de conformidade co artigo 226 da vixente Lei 5/1997, do 22 de xullo, de Administración Local de Galicia, os Grupos políticos que compoñen a Corporación Municipal teñen dereito a obter do Alcalde ou Presidente da Comisión de Goberno cantos antecedentes, datos ou informacións consten en poder dos servicios da Corporación Municipal e lles cumpran para o desenvolvemento das súas funcións.

Que o asinante precisa da seguinte documentación:

Na semana do 29 de xuño ao 3 de xullo de 2015, nun medio de comunicación, informóusenos que o Concello de Meaño licitaba po 21.300€ o cátering para o Colexio CEIP Coirón – Dena, así mesmo o DOG Núm. 193 do 9 de outubro do 2014 publicaba a existencia dun Convenio de colaboración entre a Consellería de Cultura, Educación e Ordenación Universitaria e o Concello de Meaño, para a xestión do servicio de comedor escolar do CEIP de Coirón – Dena cunha cuantía de 19.470€.

Por todo o anteriormente exposto, SOLICITO:

• Solicito da Secretaría de Intervención do Concello de Meaño informe sobre a forma de financiar o comedor escolar do CEIP Coirón – Dena, subvencións recibidas, ingresos e gastos.

En Meaño, a 26 de febreiro de 2016

Asdo. Icía García Fernández

Voceira do Grupo Municipal Socialista

SRA. ALCALDESA-PRESIDENTA DO EXCMO CONCELLO DE MEAÑO

Ideas para a fin de semana.

Chega a fin de semana e toca facer plans!!!!

O próximo sábado 27 de febreiro pode que che interese ir a:

- Partido de balonmán, de cadete masculino, do Asmubal contra o Ribeiro Rebusca46, ás 10:30 horas, no Pavillón Municipal de Coirón en Dena.

-Manifestación en Defensa do Mar, ás 11:30 horas, na Alameda de Santiago de Compostela.

-Partido de balonmán, de benxamín mixta, do Asmubal Fisiosaúde contra o Academia Octavio, ás 11:45 horas, no Pavillón de Coirón en Dena.

-Partido de balonmán, de alevín mixta, do Asmubal Fisiosaúde contra o Academia Octavio, ás 12:45 horas, no Pavillón de Coirón en Dena.

-Partido de balonmán, de infantil feminino, do A.D. Carballal contra o Circuitos Galicia Asmubal Meaño, ás 12:00 horas, no Pavillón Municipal de Loureiro.

-Partido de balonmán, de cadete feminino, do A.D. Carballal contra o Circuitos Galicia Asmubal Meaño, ás 13:00 horas, no Pavillón Municipal de Loureiro.

-Partido de fútbol, de veteranos, do Tenorio-Cotabade contra Meaño Veteranos, ás 17:00 horas.

-Partido de fútbol, de veteranos, do Dena Veteranos contra o Café Boliche A Estrada, ás 17:00 horas, no Campo das Cachizas, en Dena.

- Concerto para celebrar a Final do Concurso de Pasodobles, convocado pola Banda Unión Musical de Meaño, no Auditorio de Ribadumia, ás 20:30 horas.

E o  domingo 28 de febreiro pode que che interese ir a:

- Partido de balonmán, de xuvenil feminina, do Circuitos Galicia Asmubal Meaño contra o Mecalia Atl. Guardés, ás 11:15 horas, no Pavillón de Coirón en Dena.

-  Partido de balonmán, de segunda autonómica, do Circuitos Galicia Asmubal Meaño contra o Campus Ourense C.B. Cabú , ás 12:45 horas, no Pavillón de Coirón en Dena.

- Partido de fútbol, de primeira autonómica, do Campo Lameiro contra o Unión Dena C.F., ás 17:00 horas.

- Partido de fútbol, de terceira autonómica, do Deportivo Xil contra o Puentearnelas, ás 17:00 horas, no Campo das Cachizas en Dena. 

- Audicións de piano, trompa, trompeta e saxofón a cargo dos alumnos da Escola de Música Municipal de Meaño, ás 18:00 horas, no Centro Social de Dena.

Agora soamente queda elixir e desfrutar!!!!

Excursión

A Asociación de Mulleres Rurais "A Telleira" de Dena está organizando unha excursión ao Parque Zoolóxico de Marcelle, en Outeiro de Rei (Lugo).

Está prevista para o día 2 de abril.

As persoas interesadas debedes anotarvos o antes posible, acudindo á Directiva da asociación.

Podedes ir acompañadas dos máis pequenos da casa.

A desfrutar en familia!!!!

Obras en Pazo do Monte (Padrenda)

O Concello de Meaño solicitou permiso a Augas de Galicia para acondicionar a zona do lavadoiro e a fonte en Pazo do Monte (Padrenda).

Aquelas persoas que se sintan perxudicadas por estas obras, poden presentar as súas reclamacións, durante os próximos 20 días.

Lede aquí toda a información.

Subvencións da Xunta.

A Consellería de Política Social acaba de publicar a lista de concellos aos que se lle concedeu unha subvención para a promoción da información xuvenil e o fomento das actividades de educación non formal e a participación xuvenil no ámbito local.

Ao noso concello concedéronselle 2.622'77 euros.

Mirade a lista completa aquí.

Audicións en Meaño.

O domingo pasado houbo audicións na Casa de Cultura de Meaño.

Unha tarde agradable, da que desfrutaron as nosas compañeiras Sandra e Maribel.

Parabéns aos intérpretes!!!

Masterclass na Escola Municipal de Música.

A Escola Municipal de Música de Meaño organiza unha serie de Masterclass durante os días 21, 22 e 23 de marzo.

Inscríbete antes do 17 de marzo e aprende cos mellores!!!

Marzo, mes do Teatro.

En colaboración coa Deputación de Pontevedra, o Concello de Meaño, organiza, en marzo, o Mes do Teatro.

Para festexalo, haberá representacións teatrais, dirixidas a maiores, no Centro Social de Dena.

As actuacións que poderemos desfrutar son:

-O domingo 6 de marzo de 2016, Moito Morro Teatro representará a obra Mimadriña.

-O domingo 13 de marzo de 2016, Teatro 105 Besos representará Puedes llorar los viernes.

-O domingo 20 de marzo de 2016, Grupo de Teatro O Noso Lar representará Comisaría especial para mujeres.

Todas as obras serán ás 18:0 horas.

Pasen e desfruten da cultura!!!

Contos de Primavera- Manualidades Contadas.

Chega a primavera e con ela novos contos.

O Concello de Meaño organiza sesións de contos, con manualidades incluídas, para rapaces de 1º e 2º de Primaria e para rapaces de Educación Infantil.

Hai 20 prazas por sesión, que se asignarán por orde de inscrición, así que debedes darvos présa, se estades interesados en levar aos vosos nenos, e chamar ao 984.74.71.02 ou ao 986.74.75.85, en horario de mañá.

As sesións serán en horario de 18:00 a 19:30 horas, na Biblioteca Pública.

Os nenos de Infantil disfrutarán desta actividade os seguintes días:

- 10 e 31 de marzo.

- 14 e 28 de abril.

- 5 e 19 de maio.

Os nenos de 1º e 2º de Primaria poderán acudir a esta actividades os días:

- 7 e 14 de marzo.

- 4 e 18 de abril.

- 9 e 23 de maio. 

A LER PARA CRECER!!!

Garderías

 Se precisas praza nunha Escola Infantil (gardería), este é o momento de reservar praza nas privadas con prazas concertadas e nas dependentes da Axencia Galega de Servizos Sociais.

Lede toda a información para coñecer a documentación, os prazos e os lugares de presentación de solicitudes.

Moita sorte para todos!

Praza de Oficial de Policía Local.

Publicáronse as bases para ocupar a praza de Oficial da Policía Local de Meaño, por promoción interna.

Trátase dun concurso-oposición.

Moita sorte para tod@s @s que decidan presentarse.

Axudas para o deporte federado nacional.

Se o teu equipo participa en competicións federadas de ámbito nacional ou en fútbol de terceira división, podes solicitar esta subvención da Deputación.

Contas con 20 días para presentar a túa solicitude.

Consulta as bases e anímate a participar.

Axudas para dinamizar o galego.

Se formas parte dunha asociación, que fomente o galego dalgunha maneira, por exemplo, a través de festivais de música, pode que che interesen as axudas da Deputación.

Son subvencións para as actividades do "ANO CASTELAO" e de dinamización do galego para o 2016.

O prazo de presentación de solicitudes remata o 23 de marzo.

Consulta as bases, para saber que documentación tes que presentar.

Tamén se convocan axudas para o fomento do galego nos concellos de menos de 50.000 habitantes.

 Teñen ata o 15 de abril para facer a solicitude.

Meaño solicitará estas axudas???

Axudas da Deputación.

Dentro do PLAN CONCELLOS, a Deputación de Pontevedra acaba de conceder unha serie de axudas a varios concellos, entre os que se atopa o Concello de Meaño. 

Neste caso, a subvención é para actividades culturais, deportivas, sociais, turísticas e medioambientais.

Lede aquí toda a información.

Axudas concedidas para a promoción do viño fóra de España.

A Xunta acaba de publicar a lista de beneficiados das axudas para promover o sector vitivinícola no estranxeiro.

Entre estas empresas e entidades atópanse 3 do Concello de Meaño (2 de Xil e 1 de Dena).

Mira o listado completo aquí.

A seguir medrando!!!

PLAN DE FIN DE SEMANA...

Esta fin de semana chega animada e cargada de actividades!!!!!

O SÁBADO 20 DE FEBREIRO DE 2016 TEMOS:

-Ás 10 horas, no Pavillón de Coirón, un partido de balonmán, de categoría  infantil femenino, entre o Circuitos Galicia Asmubal Meaño e o Seis do Nadal Coia.

-Ás 10:45 horas, no Pavillón Monte da Vila de O Grove, un partido de balonmán, de categoría benxamin mixto, entre o  Rasoeiro Bm e o Fisiosaude Asmubal Meaño.

-Ás 11:15 horas, no Pavillón de Coirón, un partido de balonmán, de categoría cadete femenino, entre o  Circuitos Galicia Asmubal Meaño e o  Seis do Nadal Coia. 

-Ás 12:00 horas, no Pavillón do Monte da Vila de O Grove, un partido de balonmán, de categoría alevin mixto, entre o Rasoeiro Bm e o Fisiosaude Asmubal Meaño.
Sábado 20 Febrero - 12:00/Pavillón Monte da Vila

-Ás 12:45 horas, no Pavillón de Coirón, un partido de balonmán, de categoría cadete masculino entre o Circuitos Galicia Asmubal Meaño e o Sar B.

-Ás 16:30 horas, no Campo das Cachizas, un partido de fútbol entre o Meaño Veteranos e o Verducido Furancho Nini.

-Ás 16:30 horas, no Campo Chan da Barcia en Ponte Caldelas, un partido de fútbol entre o Autolunas e o Dena Veteranos.

-Ás 20:00 horas, no Pavillón de Lugo, un partido de balonmán, de categoría senior masculino, entre o  Bm Lucus e o Circuitos Galicia Asmubal Meaño.

-Ás 20:30 horas, no Centro Social de Dena, unha reunión para os socios da Asociación de Veciños Santa Lucía de Dena.

O DOMINGO 21 DE FEBREIRO DE 2016 TEMOS:

-Ás 13:00 horas, no Pavillón de Chapela, un partido de balonmán, de categoría xuvenil femenino entre o BM Chapela e o Circuitos Galicia Asmubal Meaño.

-Ás 16:30 horas, no Campo das Cachizas, un partido de fútbol entre o Unión Dena C.F. e o Rápido de Bahía.

-Ás 17:00 horas, no Campo de Mirallos en Moraña, un partido de fútbol, entre o Moraña e o C.D. Xil.

-Ás 18:00 horas, na Casa de Cultura de Meaño, audicións a cargo dos alumnos da Escola Municipal de Música de frauta, trombón, tuba, percusión e óboe.

Como vedes, unha fin de semana para desfrutar!!!!

Cursos para conseguir o carné de fitosanitarios.

Se inda non tes o teu carné de fitosanitarios ou se che falta pouco para que caduque, pode que che interese a información publicada o día 12 de febreiro en CAMPO GALEGO.

Nesta ligazón podedes ver a lista de cursos programados pola Xunta e o lugar onde se van realizar. Hai varios en Ribadumia e Pontevedra, pero ningún en Meaño.

Para resolver as vosas dúbidas, podedes poñervos en contacto coas Oficinas Agrarias Comarcais.

Tratamentos en balnearios.

-Se tes máis de 60 anos ou es pensionista maior de 55.

 -Estás empadroado e resides nun concello de Galicia.

 -Váleste por ti mesmo nas actividades da vida diaria.

 -Non padeces enfermidades infecto-contaxiosas en fase activa nin trastornos mentais ou conductuais non compensados.

 -E careces de contraindicacións médicas para recibir tratamentos termais...

 estás de noraboa porque podes ser un dos 607 beneficiados do Programa Benestar en Balnearios, da Xunta de Galicia.

Cada estancia terá unha duración de 10 días, entre os meses de marzo e decembro de 2016, cun custo que vai desde 299'81 euros, a praza máis barata, ata 376'46 euros, a máis cara.

O prazo de presentación de solicitudes é de 20 días, a partir de mañá, 17 de febreiro.

Podes cubrir a túa solicitude na sede electrónica da Xunta.

Xuíz de Paz de Meaño.

Hoxe publícase no Boletín Oficial da Provincia de Pontevedra o nomeamento de Carlos Viéitez Fernández como Xuíz de Paz titular do Concello de Meaño, para os próximos 4 anos.

Foi elixido co apoio de todos os membros do Pleno da Corporación.

Agora dispón de 20 días para tomar posesión do cargo.

Parabéns ao noso Xuíz de Paz!!!

Audicións en Meaño.

Hoxe comezaron as audicións dos alumnos da Escola Municipal de Música.

Na Casa de Cultura de Meaño, están demostrando o bos intérpretes que son algúns dos alumnos de clarinete, fagot, guitarra e chelo/contrabaixo.

Moitas persoas foron as que se animaron a desfrutar da música
nesta tarde de domingo.

Festa de Entroido da ANPA SEMENTEIRA.

A ANPA SEMENTEIRA do CEIP Coirón-Dena tiña programada unha Festa de Entroido para onte, sábado 13 de febreiro, no Pavillón de Coirón.

Debido aos problemas de condensación deste, a Asociación Sementeira viuse obrigada a cambiar a ubicación da súa festa ao Centro Social de Dena, cunha menor capacidade e con peores infraestructuras para este tipo de eventos.

 

 A festa estivo animada por Javi Solla e contou cun obradoiro de maquillaxe.

Parabéns para esas nais e pais que se esforzan por facer un bo traballo, empregando o seu tempo nos demais!!!

Traída de Augas en Axís (Simes)

O Concello de Meaño solicita permiso a Augas de Galicia para achegar a traída municipal de augas ao lugar de Axís, na parroquia de Simes.

Se alguén considera que esta obra lle afecta, ten 20 días, a partir de mañá, para presentar alegacións.

Son 631 metros de tubería, que cruza a ponte do río Chanca.

Botádelle un ollo ao anuncio, clicando aquí.

Admitidos e Excluidos para as probas de operario encargado.

Xa saiu a lista de admitidos e excluidos para participar no proceso selectivo para convocado para a praza de operario encargado de obras do Concello de Meaño.

Hai un total de 13 admitidos e 12 excluidos temporalmente. As razóns da súa exclusión son o non aportar o seu curriculum vitae e/ou non aportar o carnet de conducir clase C.

Estas 12 persoas, así coma aquelas que se presentasen e non aparezan en ningunha das dúas listas, teñen tres días para presentar a documentación que lle falta ou subsanar posibles erros, pasando polas oficinas do Casa do Concello.

O anuncio ten selo de saída do día 10 de febreiro, así que, 

DÁDEVOS PRÉSA: OS 3 DÍAS XA ESTÁN CONTANDO.

Podedes ver aquí as dúas listas.

Concurso de Carteis.

Recordade que ata o 12 de marzo, na Quinta de San Amaro, estarán expostos os bocetos do concurso de carteis do Festival de Bandas. Os visitantes poderedes votar polo voso cartel favorito.
Apoiemos á BUMM e as súas iniciativas!!!

Concerto da Banda de Música de Meaño.

O sábado 27 de febreiro terá lugar o Concurso de Composición de Pasodobles no Auditorio de Ribadumia.

Pasádevos por alí e desfrutade dunha noite diferente!!!

Domingos musicais.

Os domingos de febreiro chegan cargados de música, da man da Escola Municipal de Música.

Todas as audicións serán na Casa de Cultura de Meaño, ás 6 da tarde, agás a do domingo 28 de febreiro que será no Centro Social de Dena.

Animádevos a pasar unha tarde en familia, apoiando aos nosos xóvenes intérpretes!!!

Preguntas do Pleno.

No Pleno da Corporación do día 8 de febreiro de 2016, os concelleiros socialistas fixeron as seguintes PREGUNTAS:

-Cal é a contía dos desperfectos causados polo temporal do sábado pasado?

A Alcaldía afirmou que inda descoñece a contía dos desperfectos.

Que uso vai darlle ao Pavillón de Xil?

Estase a valorar a creación dun complexo de actividades físicas (ximnasio).

- Con qué finalidade se fixo a páxina Web do Concello? Que se publicita nela e por qué hai actividades que non se publicitan e, en cambio, saen noutros medios?

A Alcaldía dixo que o persoal non daba para todo, ao que os nosos concelleiros replicaron que, nese caso, será necesario contratar persoal.

- O primeiro de ano os concellos de Meaño, Sanxenxo e O Grove sufriron un apagón grave. Que axudas prestou o Concello aos afectados? Que medidas tomou? Publicitouno?

A Alcaldía explicou que non lle constan reclamacións, pero que, por suposto, estaban alí para intermediar cosusuarios.

Ante a pregunta de se se publicitou este servizo, a Alcaldía contestou que non.

É difícil facer uso dun servizo do que se descoñece a súa existencia!!!!

- En relación ao ensanche do Pazo do Monte en Padrenda, cal é a situación actual, tendo en conta que o prazo da prórroga rematou o 31 de decembro de 2015?

A Alcaldía explicou que seque negociando con dous veciños.

- No pasado pleno a Alcaldía non respondeu a algunhas preguntas que se lle fixeron, polo que estas volveron a formularse:

- Cal é a situación da RPT? Estase redactando unha nova?

A resposta da Alcaldía foi que unha empresa elaborou a Relación de Postos de Traballo, pero esta está parada, debido á Lei de Racionalización e Sustentabilidade, que o propio partido do equipo de goberno aprobou a nivel estatal.

Fíxose un gasto ao que agora non se lle pode sacar rendabilidade, ademais de ter aos traballadores nunhas condicións que non se corresponden coa realidade.

- Cal vai ser a solución para a entrada do Colexio As Covas en Meaño?

A Alcaldía afirmou que esta é unha cuestión de difícil solución.

Se gobernar fose sinxelo, calquera podería facelo.

- Cando van rematar as obras da estrada de Cobas?

Segundo a Alcaldía, decoñecen a data e depende da Deputación.

- Ademais, conseguimos que se limpase unha finca con maleza próxima ao CEIP Coirón-Dena, que causaba problemas de salubridade.

Rogos do Pleno.

No Pleno da Corporación do 8 de febreiro de 2016, os nosos representantes,Icía García e Manuel Radío, non lle fixeron ROGOS a Lourdes Ucha Varela, alcladesa do Concello de Meaño.

 Sen embargo, DEBIDO A UNHA DECISIÓN UNILATERAL DA ALCALDÍA, O NOSO GRUPO VIUSE OBRIGADO A TRATAR COMO ROGOS OS QUE SEGUEN:

- Informe do impacto turístico-económico da humanización da Área Recreativa de Cobas.

Este informe non se vai solicitar, a pesares de que a Alcaldía delegou este tipo de funcións, relacionadas co turismo,na Mancomunidade do Salnés. 

Según Lourdes Ucha, esto NON É PRIORITARIO.

- Informe sobre o estado da Ponte de Ganón, en Xil.

A resposta da Alcaldía foi que a semana pasada (recordamos que presentamos esta moción o luns 1 de febreiro e que xa no mes de decembro fixemos unha demanda semellante), un técnico da Deputación acudeu a esta ponte para facer unha valoración.

Pleno do 8 de febreiro de 2016.

No Pleno da Corporación, celebrado o pasado 8 de febreiro, tratáronse diversos aspectos, dos que imos dar conta a continuación.

-O primeiro dos puntos que se abordou foi a MOCIÓN CONXUNTA CONTRA O ANTEPROXECTO DA LEI DE ACUICULTURA DE GALICIA.

A nosa agrupación presentou esta moción o día 1 de febreiro, pedindo a retirada do anteproxecto desta lei, despois de falar cos afectados.

 Con data de 3 de febreiro presentouse a moción conxunta, tras unha reunión previa das tres agrupacións municipais.

Por suposto, o noso voto foi "A FAVOR" da retirada do anteproxecto porque apoiamos totalmente ao sector do mar e cremos que non basta coa paralización desta lei.

- O seguinte punto foi a aprobación do Plan Especial de Mellora do Núcleo Rural da Iglesia-Lores.

Este Plan vai mellorar a seguridade da zona para vehículos e peóns, ademais, de revitalizar o contorno da Igrexa parroquial, ao conectala directamente coa estrada de Lores-Sanxenxo.

Por outra parte, o vial que vai abrirse cara ao aparcamento é unha demanda antiga da Asociación de Veciños.

Por todas estas razóns, o noso voto foi "A FAVOR".

- O terceiro dos temas que se tratou foi o de informar, por parte da Alcaldía, sobre a posibilidade de transformar de oficio contratos temporais en indefinidos, de acordo cun informe elaborado por técnicos da Deputación de Pontevedra.

O informe conclúe que a empresa privada non funciona de igual modo que a Administración Pública, posto que para acceder a esta hai que facelo seguindo criterios de igualdade, mérito e capacidade, a través de probas. En calquera caso, tras a reclamación do traballador, poderían converterse en indefinidos, pero nunca en fixos.

Neste caso, non houbo votación.

- No cuarto punto, a Alcaldía informou sobre un informe elaborado pola Secretaria de Intervención, a cerca do pago dos trienios ao persoal laboral fixo.

O informe conclúe que non procede o seu pago porque, por unha banda, inclumpliríase a Lei 48/2015, de 29 de outubro, de presupostos xerais do Estado para o ano 2016; e, por outra, sería preciso facer unha negociación colectiva ou unha negociación individual.

O noso equipo xurídico está a estudar este informe.

Neste caso, non houbo votación.

- O último punto foi para informar dos períodos de pago do Concello de Meaño.

Neste caso, non houbo votación.

Nota de prensa.

NOTA DE PRENSA


UNHA MOCIÓN DO PARTIDO SOCIALISTA UNE A TODO O EQUIPO DE GOBERNO PARA CONSEGUIR O RECHAZO UNÁNIME DO ANTEPROXECTO DE LEI DE ACUICULTURA.

O luns 1 de febreiro, a Agrupación Socialista de Meaño presentou unha moción instando á retirada do anteproxecto de Lei de Acuicultura (nº de entrada: 403). Despois dunha reunión cos demais grupos políticos, acordouse presentar no Pleno da Corporación meañesa una moción conxunta.

No pleno de onte estiveron presentes representantes do sector do mar, quenes aplaudiron este acordo. Os concelleiros, ademais, asinaron un manifesto dirixido ao presidente da Xunta de Galicia, onde se fala dos motivos polos que o sector do Mar rexeita esta norma.

Ademais desta moción, a Agrupación Socialista de Meaño tamén solicitou ao Pleno a elaboración dun informe para coñecer a situación da estrutura da ponte de Ganón, na parroquia de Xil, e un estudio para coñecer o impacto turístico-económico da humanización da área recreativa de Cobas (con barandas, bancos, papeleiras, parques infantil, …) situada no contorno da Pousada.

Aínda que a Agrupación Socialista de Meaño presentou estas dúas peticións como mocións, a Alcaldía considerou que se trataban de rogos. Para a portavoz socialista Icía García, “trátanse de mocións, dado que non se solicitaba actuacións por parte da alcaldía, pero esta non soubo xustificar de maneira axeitada a súa decisión de non aceptalas como tales. Isto responde a un proceder autoritario, que o único que pretende é bloquear as votacións e evitar posicionarse diante dos veciños”.

Por outra banda, grazas á petición socialista do pasado decembro, limpouse unha finca privada que se atopaba en estado de abandono e con maleza, a cal se estaba a convertirse nun problema de salubridade, nas inmediacións do colexio de Dena.

Agrupación Socialista de Meaño
Queremos facer máis por ti e por todos.

Sandra Martínez Muñiz

Responsable de Prensa

Tlfno. 686 815132

psoe.meano@gmail.com

facebook.com/psoe.meano

meanoacotio@blogspot.com.es

Subvencións para o deporte federado.

Se formas parte dun club deportivo sen ánimo de lucro da provincia, inscrito no rexistro de asociacións deportivas da Secretaría Xeral para o Deporte da Xunta de Galicia, sen débedas coas Facendas galega e estatal, coa Seguridade Social e coa Deputación de Pontevedra e sen problemas de incapacidade ou incompatibilidade para percibir axudas ou subvencións públicas, podes solicitar unha destas subvencións.

O prazo para solicitalas é de 20 días desde hoxe, 9 de febreiro de 2016.

Aquí podedes ver as bases da convocatoria.

Sorte!!

Presuposto 2016 e Cadro de Persoal.

No Boletín Oficial da Provincia de Pontevedra, publícase hoxe o presuposto municipal para o 2016 e o cadro de persoal do concello, aprobándose, así, de maneira definitiva.

Se alguén non está de acordo, terá que poñer un recurso contencioso-administrativo ante a Sala do Contencioso-administrativo do Tribunal Superior de Xustiza de Galicia, dentro dous meses seguintes, contados desde mañá, 10 de febreiro de 2016.

Lede aquí toda a información sobre esto.

Supoñemos que nuns días sairá unha corrección de erros porque, neste anuncio, outórganselle catro concelleiros ao BNG, que non conta con representación.

ITV en Xil.

 A Unidade Móbil de Inspección Técnica, da zona de Pontevedra, estará no atrio da Iglesia de Xil o próximo 29 de febreiro de 2016.

Aquelas persoas que o desexen,  poderán  pasarlle a correspondente revisión aos seus ciclomotores, motocicletas e quads.
 

O horario de atención será de  9:00 a 13:30 h. e de 15:15 a 18:00 hora.

Poden solicitar cita previa no número 902.309.000 ou na páxina web sycitv.com.

Profesor de bombardino-tuba.

A Escola Municipal de Música precisa cubrir un posto de profesor especialista en bombardino-tuba.

Podedes consultar as bases de contratación, pinchando aquí. Tende en conta que os prazos quedan agora reducidos á metade!!!!

O prazo para presentar as instancias é de 8 días hábiles, desde o 5 de febreiro.

Esta pode ser a túa oportunidade, apúntate!!!

 

Tala de árbores en febreiro.

AQUELES QUE PRECISEN UN PERMISO PARA A TALA DE ÁRBORES, PODEN SOLICITALO A TRAVÉS DO IMPRESO SEGUINTE. 

O CADRANTE DE PERMISOS INFORMA QUE NO MES DE FEBREIRO, O AXENTE RODRÍGUEZ ESTARÁ NO CONCELLO O MÉRCORES 10 DE 11 A 12 DA MAÑÁ; E O MÉRCORES 24 DE FEBREIRO, SERÁ O AXENTE BARREIRO O QUE ESTARÁ NO CONCELLO DE 11 A 12 HORAS.

Doazóns de sangue.

      Mañá, luns 8 de febreiro de 2016, estará no Concello de Meaño a unidade móbil do Centro de Transfusión de Galicia.

Así que, as persoas que queiran facer unha doazón de sangue, poden facelo en Meaño, diante do Concello, en horario de 10:00 a 14:00 horas e de 18:00 a 21:00 horas; ou en Dena, xunto a Praza de Abastos, en horario de 16:00 a 17:30 horas.

Animádevos a doar!!!

Polo estado da Ponte de Ganón.

O PLENO DO CONCELLO DE MEAÑO

O Grupo Municipal Socialista (PsdeG-PSOE) no Concello de Meaño a través da sua voceira Icía García Fernández e ó abeiro do disposto nos artigos 91.4 e 97 do Regulamento de Organización, Funcionamento e Réxime Xurídico das Entidades Locais (Real Decreto 2568/1986) presenta ante o Pleno da Corporación Municipal a seguinte MOCIÓN, referida á situación da ponte de Ganón (Xil).

Dende fai algúns anos esta ponte vén sufrindo un deterioro constante, que se agrava co paso do tempo.

Varios veciños trasladáronos a súa preocupación por esta situación, dado que é unha ponte cun tránsito viario moi elevado, incluído o autobús do transporte escolar, que pasa por enriba entre doce e dezaséis veces á semana, cargado de MENORES.

Por outra banda, durante os últimos invernos na PONTE DE GANÓN, apareceron boquetes no asfalto, de maneira repetitiva. A solución escollida polo Equipo de Goberno correspondente foi a de bachear novamente ditos boquetes, repetíndose a situación un tempo máis tarde.

Pola contra, a esta Agrupación non lle consta que en ningún momento se investigasen as causas de tales problemas.

Despois de observar as fotografías da estrutura da ponte, parece posible que esta teña un problema grave nos seus alicerces, probablemente causada pola propia auga do río, que circula polos aros de paso.

Ao mesmo tempo, a Alcaldía do Concello de Meaño sempre amosou interese por coñecer o estado real das cousas, ante de tomar decisión drásticas. Unha mostra disto foi cando se solicitou un informe para saber cal era o estado da árbore das Angustias, antes de decidir a súa tala, ou a das árbores dos Pasales, onde se tomaron as mesmas medidas.

Tendo en conta isto, e que pola ponte de Ganón circulan todo tipo de usuarios, incluso menores, solicitamos ó Pleno da Corporación a adopción do seguinte ACORDO:

1. Instar á Alcaldía e/ou ao Grupo de Goberno a elaboración dun informe técnico para abordar o estado real e estrutural da Ponte de Ganón.

En Meaño, 1 de febreiro de 2016

Asdo: Icía García Fernández

Voceira do PSdeG-PSOE

SRA.ALCALDESA-PRESIDENTA DO EXCMO CONCELLO DE MEAÑO

Pola humanización da Área Recreativa de Cobas.

O PLENO DO CONCELLO DE MEAÑO

O Grupo Municipal Socialista (PsdeG-PSOE) no Concello de Meaño a través da sua voceira Icía García Fernández e ó abeiro do disposto nos artigos 91.4 e 97 do Regulamento de Organización, Funcionamento e Réxime Xurídico das Entidades Locais (Real Decreto 2568/1986) presenta ante o Pleno da Corporación Municipal a seguinte MOCIÓN, referida á humanización da área recreativa de Cobas.

Cobas ten unha das mellores vistas do Concello, debido á súa situación xeográfica, que a coloca sobre a ría de Arousa.

Así, ademais do Mirador de San Cibrán, conta cun mirador natural, situado no Monte da Raposa, onde se atopan o campo deportivo e a Casa de Cultura.

Por outra banda, esta zona foi acondicionada cando se construeu a Pousada, dotándoa de alumeado, beirarrúas, afaltado e pintado, reordenación da circulación do tráfico, creación de glorietas...

Sen embargo, non se acometeu ningunha mellora na área recreativa, a pesar da súa cercanía a un local de hospedaxe, promocionado desde un órgano coma a Deputación Provincial, que previsiblemente animará turística e economicamente a zona.

Tamén hai que recordar que Cobas é coñecida turísticamente polas súas tabernas, bares e furanchos, mobilizando gran cantidade de turistas e visitantes, que acoden a esta parroquia a comer ou cear, en moitos casos acompañados de menores e xente maior, para pasar varias horas nesta parroquia.

O Monte da Raposa está próximo a zona de concentración destes locais e a súa humanización permitiría crear un lugar de esparcemento axeitado e sen riscos, para desfrutar as familias que se achegan a Cobas, ademais dos beneficios para os propios veciños.

Por todo iso, solicitamos ó Pleno da Corporación a adopción do seguinte ACORDO:

1. Instar á Alcaldía e/ou ao Grupo de Goberno a realización dun estudo da repercusión turística e económica que conlevaría á humanización da área recreativa de Cobas

En Meaño, 1 de febreiro do 2016

Asdo: Icía García Fernández

Voceira do PSdeG-PSOE

SRA.ALCALDESA-PRESIDENTA DO EXCMO CONCELLO DE MEAÑO

Contra o Anteproxecto da Lei de Acuicultura.

O PLENO DO CONCELLO DE MEAÑO

O Grupo Municipal Socialista (PsdeG-PSOE) no Concello de Meaño a través da sua voceira Icía García Fernández e ó abeiro do disposto nos artigos 91.4 e 97 do Regulamento de Organización, Funcionamento e Réxime Xurídico das Entidades Locais (Real Decreto 2568/1986) presenta ante o Pleno da Corporación Municipal a seguinte:

MOCIÓN

O sector do mar de Galicia é estratéxico na economía local, polo emprego directo que xera, mariscadoras a pé, bateeiros, mariñeiros, mariscadores a flote, etc, entre os que se atopan veciños e veciñas de Meaño, que constitúen un amplísimo colectivo que ten o seu medio de vida no mar. Con empregos estables, tamén en época de crise, porque están menos expostos ao ciclo económico – ao contrario do que acontece en outras actividades –. O secror do mar representa o 4% da producción total da economía galega e dá traballo, directo ou indirecto, a miles de familias.

Tamén é un sector estratéxico na economía local polo emprego que induce en diversas actividades en terra:

1. Empresas destinatarias do producto (depuradoras de moluscos, cocedeiros, conserveiras, centros de conxelación e pasteurización, procesadores e comercializadores)
2. Empresas proveedoras de servizos e suministros (estaleiros, cordelerías, carpintería, montaxes e maquinaria)
3. Actividades auxiliares e de apoio, como transportes, cetros de investigación, formación e control do medio mariño, etc)

Á importancia económica do sector do mar únese ao valor social que adquire nos municipios costeiros, xa que ten a capacidade de irradiar beneficios socioeconómicos e amplas capas da poboación, o que converte nun mecanismo de distribución e reparto de riquezas no entoron local que inentiva a implantación de actividades e pequenos negocios.

Asemade, ten unha enorme contribción cualitativa, dende o punto de vista etnográfico e gastronómico, a un dos sectores que actualmente presenta un maior desenvolvemento económico: o turismo.

Así pois, a fortaleza do sector do mar de Galicia está tamén na paisaxe que as actividades do mar deseñan nas rías: As bateas, as embarcacións de pesca e o mariqueo tanto a flote, como a pe nas praias. Ninguén dubida de que todos os negocios grandes e pquenos relacionados á actividade turística, directa ou indirectamente, deben boa parte da súa actividade económica ao sector do mar de Galicia.

O pasado 1 de outubro, o Consello da Xunta iniciou a tramitación do Anteproxecto de Lei de Acuicultura de Galicia, sen un diálogo previo cos sectores productivos do mar. Saíu a exposición pública no DOG do 19 de outubro, por prazo dun mes e, posteriormente, ese prazo ampliouse ata o 15 de decembro do 2015 polas protestas orixinadas.

Primeiro foi elaborada a ESGA (Estratexia Galega de Acuicultura) que, segundo propia definición é un documento de estratexia e orientación política. Agora este Anteproxecto de Lei de Acuicultura incorpóraa e dalle rango normativo de obrigado cumprimento.

Entre outros elementos o Anteproxecto de Lei de Acuicultura contempla:

1. O Plan de Ordenación de Acuicultura Litoral en Terra, que establece:

• Que os propietarios de terras que se neguen a vender serán expropiados a favor das empresas de acuicultura intensia,
• O privilexio de eliminar a necesidade de informe previo de incidencia ambiental e a posibilidade de instalar plantas acuícolas en espazos naturais protexidos
• A imposibiliade de que os Concellos poidan decidir sobre a implantación de ditas industrias por ser consideradas de incidencia supramunicipal
• O plan de Ordenación de Cultivos Mariños, que establecerá para cada zona das Rías as especies a cultivar e o tipo de batea ou gaiola a utilizar.

De aprobarse como Lei, consolida un trámite lexislativo fraudulento e un engano á cidadanía, aos administrados, e tería como principais perxudicados á toda a xente do mar.

Ás autorizacións de marisqueo que pasen a ser acuicultura outorgaránselle unha concesión temporal e –como o resto das concesións- quedan obrigados a producir uns rendementos mínimos, haberán de pagar os canons por superficie ocupada (con risco de viabilidade económica das confradías) e Terán que pasar as embarcacións á 4º lista perdendo os permex de outras actividades, unha vía máis para a extinción da pesca tradicional e o marisqueo a pé ou a flote.

Todas as concesións, ao remate ou de non cumprimern os rendementos mínimos, sairán novamente a concurso público e serán concedidas con discriminación que favorece aos máis fortes,xa que obriga a competir á xente do mar contra multinacionais en criterios como maior solvencia económica, financieira e técnica. Privatizarán o mar a favor das grandes empresas multinacionais.

A lei está deseñada para implantar a peixecultura intensiva e escala industrial e vai autorizar todo tipo de especies a cultivar, icluso foráneas ou exóticas, que poderían acabar sendo invasoras do medio natural.

Para a implantación da peixecultura intensiva, a Lei impulsa a Acuicultura Multitrófica Integrada-AMTI, técnica de cultivo que consiste nun monocultivo de peixe carnívoro (salmón, etc) que utiliza especies extractoras (moluscos). Esta técnica busca reducir os niveis de contaminación xerados polas gaiolas de peixes co obxetivo de mellorar a súa imaxe pública na procura de aceptación pola sociedade e así, favorecer a súa implantación e a ocupación das augas das Rías.

Para garantir a implantación dos obxetivos da Lei establécese un réxime sancionador represivo e desproporcionado.

A aprobación da Lei e a implantación a escala industrial de gaiolas de peixes vai provocar diversos efectos negativos sobre o medio ambiente:

• Para producir 1 Kg de peixe precisaranse entre 4 e 6 kg de peixe salvaxe, o que vai suponer a depreciación das pesqueiras.
• A contaminación das Rías está asegurada: refugallos de peixes, de pensos, fármacos (antibióticos, vacinas, etc), productos químicos, propagación de enfermedades e parásitos, etc. Contaminaranse as augas, afectarase á calidade e cantidade dos nosos recursos e deteriorarase a biodiversidade do medio mariño onde todos traballamos, que é patrimonio de todos os galegos/as.
• A contaminación de peixes e mariscos podería levar aparellada vedas “técnicas” ou a prohibición de actividades de pesca e marisqueo por razón sanitarias.
• Asemade, a degredación do medio podería ter impacto directamente relacionado coas toxinas PSP, ASP e DSP.

O anteproxectofoi elaborado de costas á realidade e aos intereses das persoas que viven do Mar de Galicia. Ningún sector do mar está conforme coa Lei porque entende que está deseñada para desmantelar os sectores productivos primarios e empobrecerá as comarcas costeiras.

Ante o retroceso productivo das Rías, o que precisan os sectores primarios son verdadeiras políticas estructurais que garantan:

• A calidade das augas do medio mariño.
• O afortalamento do tecido productivo e o potenciamento das actividades primarias incentivando a cooperación con liñas de apoio ao desenvolvemento colectivo.
• A recuperación da confianza das consumidores e o fomento da demanda, e polo tanto da oferta de productos do mar de Galicia, sans e naturais.
• O incremento do valor engadindo dos nosos productos, para que a riqueza quede aquí.

Por todo elo, os distintos sectores do Mar de Galicia solicitaron á consellería do Mar a retirada do anteproxecto de Lei de Acuicultura de Galicia; polo tanto, solicitamos ó Pleno da Corporación a adopción do seguinte.

ACORDO:

1. Instar á Consellería de Medio Rural e do Mar, a retirada do anteproxecto de Lei de Acuicultura de Galicia, e ao Consello da Xunta de Galicia para que rexeite dito Anteproxecto de Lei.
2. Remitir o texto do acordo acadado polo Pleno Municipal á Plataforma en Defensa da Ría de Arousa (PDRA) en Avda. Dr. Tourón nº 44 – Entrechán, C.P: 36600, Vilagarcía de Arousa. E-mail: pdrarousa@gmail.com

En Meaño, 1 de febreiro do 2016

Asdo: Icía García Fernández

Voceira do PSdeG-PSOE

SRA.ALCALDESA-PRESIDENTA DO EXCMO CONCELLO DE MEAÑO