Horario da recollida do lixo.

A recollida do lixo, dos colectores verdes, será os luns e mércores, a partires das 7:00 da mañá, e os venres, ás 18:00 horas.

Este é o horario de inverno.

Recordade sacar o lixo nas horas próximas á recollida, para evitar a acumulación de residuos fóra dos colectores, así coma os malos cheiros.

Entre todos podemos favorecer unha boa convivencia e un mellor uso do servizo.

Obradoiro da Deputación de Pontevedra en Meaño.

Este é un obradoiro dirixido a grandes e pequenos, para elaborar xabóns naturais.

Será no Centro Social de Dena, do 6 ao 17 de novembro, de 18:30 a 20:30 horas.

Podedes anotarvos entre o 18 de setembro e o 16 de outubro, nas oficinas municipais.

Animádevos!!!

Fisioterapeuta para Meaño.

O Concello de Meaño contrata un fisioterapeuta a tempo parcial, de maneira temporal, para o curso 2017-2018.

As persoas interesadas teñen que entregar a documentación necesaria no prazo de 10 días hábiles, a partir do día 20 de setembro, tal e como se recolle no anuncio no Boletín Oficial de Pontevedra. 

Podedes ler toda a información sobre as bases de selección pinchando aquí.

Moita sorte a todos os que decidades participar nesta selección!