ROGOS DO PLENO

No Pleno da Corporación do 14 de decembro de 2015, os nosos representantes, Icía García e Manuel Radío, fixéronlle os seguintes  ROGOS a Lourdes Ucha Varela, alcaldesa do Concello de Meaño. 

Solicitaron:

- O ancheamento da parte final da estrada que baixa desde a Zona Industrial de O Pazo (Xil) cara a Área Recreativa de O Barreiro (Xil).

A resposta da Alcaldía foi que, no seu día, tratarase de ensanchar, se os veciños están de acordo, cando o decida o grupo de goberno porque non é unha obra prioritaria.

-NÓS DICIMOS: Non importa de quen sexa a idea; o importante é que mellore a vida dos nosos conveciños.

- A toma das medidas oportunas para que se proceda á limpeza dunha finca con maleza, detrás do Edificio Telmolar (R/ Galicia, Dena), pola súa perigosidade ao atoparse entre as vivendas e preto das Escolas Infantís e do colexio.

A resposta foi que houbo unha denuncia e, como consecuencia, estase vendo como arreglar isto.

- O arranxo do Pavillón de Xil, para evitar que garde tanta condensación. Necesita solucións urxentes.

A Alcaldía non fixo ningún tipo de comentario a este respecto.

- A mellora da visibilidade na saída da carretera que vai ao Punto Limpio.

A Alcaldía non fixo ningún tipo de comentario a este respecto.

ADEMAIS DESTES, DEBIDO A UNHA DECISIÓN UNILATERAL DA ALCALDÍA, O NOSO GRUPO VIUSE OBRIGADO A TRATAR COMO ROGOS OS QUE SEGUEN:

- O PAQUETE DE ALIMENTOS QUE ENTREGAN OS SERVIZOS SOCIAIS ÁS FAMILIAS QUE O PRECISAN.

A ALCALDÍA AFIRMOU QUE OS PAQUETES É CERTO QUE NON CHEGAN PARA UN MES, PERO TEÑEN AS MERENDAS SAUDABLES (recordamos que estas comezaron a mediados de outubro) E COMEN NO COMEDOR ESCOLAR (recordamos que este servizo funciona nos períodos escolares, pero non durante as vacacións de Nadal nin Semana Santa nin o verán).

NON SE FIXO NINGÚN COMENTARIO SOBRE OS ADULTOS NIN AS FAMILIAS NUMEROSAS NIN OS CAMBIOS QUE SE PRODUCEN DENTRO DAS FAMILIAS, COMO PODEN SER O NACEMENTO DUN BEBÉ.

TAMPOUCO SE ACLAROU NADA SOBRE AS NECESIDADES HIXIÉNICAS DESTAS FAMILIAS.

- A PONTE DE GANÓN QUE TEN DANADA A SÚA ESTRUCTURA, O QUE PROVOCA QUE, NA TEMPADA DE CHOIVAS, O ASFALTO SE AFUNDA. PINCHADE NO ENLACE E VEREDES AS FOTOGRAFÍAS.

A ALCALDÍA DIXO QUE NON RECIBIU QUEIXAS.

E A MOCIÓN QUE PRESENTOU O NOSO GRUPO QUE É? 

PREFIRE ESPERAR A QUE A PONTE PROVOQUE DANOS A PERSOAS OU BENS?

RECORDAMOS: O AUTOBÚS ESCOLAR CIRCULA PON ENRIBA DESA PONTE, CON MENORES DENTRO.

- A PISTA DEPORTIVA DE COBAS QUE SE ATOPA EN CONDICIÓNS DE ABANDONO TALES, QUE IMPIDE O SEU USO PARA A PRÁCTICA DEPORTIVA.

A ALCALDÍA RESPOSTOU QUE SE FARÁN UNHA OBRA IMPORTANTE EN COBAS CANDO O DECIDAN ELES, NON CANDO O DIGA OUTRO PARTIDO POLÍTICO.

NOVAMENTE IMPORTA MÁIS DE QUEN É A IDEA QUE O BEN PARA OS VECIÑOS???

TODOS SABEMOS QUE AS OBRAS IMPORTANTES DE COBAS DECÍDENAS ELES E SOEN SER MOI ÚTILES: NON HAI MÁIS QUE VER A POUSADA!!!

- A PISTA DE A BARROCA EN PADRENDA QUE É MOI ESTREITA PARA O VOLUME DE VEHÍCULOS QUE SOPORTA AO DÍA, POLO QUE HABERÍA QUE ANCHEALA.

A ALCALDÍA SOAMENTE SINALOU QUE NON ESTÁ PREVISTA.