MOCIÓN PISTA A BARROCA (PADRENDA)

O PLENO DO CONCELLO DE MEAÑO

O Grupo Municipal Socialista (PsdeG-PSOE) no Concello de Meaño a través da sua voceira Icía García Fernández e ó abeiro do disposto nos artigos 91.4 e 97 do Regulamento de Organización, Funcionamento e Réxime Xurídico das Entidades Locais (Real Decreto 2568/1986) presenta ante o Pleno da Corporación Municipal a seguinte:

MOCIÓN

A pista de “A Barroca”, en Padrenda de Abaixo, Padrenda, que colinda coa pista de Castrelo, “Chancelas”, presenta un mal estado nos seus beirais. A auga, cando chove, non viaxa só polo rego senón que ademais invade a carretera. Devandito rego, de terra, estase desfacendo polas riadas que hai no inverno e iso trae como consecuencia que a area cubra a pista.

Ademais, coa maleza a cuneta queda tapada e cando se atopan dous coches, un procedente de Padrenda e outro de Castrelo, teñen que parar para dar un paso ao outro ou, no peor dos casos, entran os dous e un deles queda atrancado no rego, como xa ten pasado con tractores, coches e, incluso, con camións de conxelados, sendo os veciños quen teñen que usar os seus vehículos agrícolas para remolcalos.

A continuación, móstranse unhas imaxes que corroboran o mal estado da estrutura:

Por todo elo, solicitamos ó Pleno da Corporación a adopción do seguinte.

ACORDO:

• Entubar a auga con tubos de cemento, que se asfalte e se lle dea un metro de ancho a cada cuneta para que poidan pasar dous vehículos ao mesmo tempo.

En Meaño, 7 de decembro do 2015

Asdo: Icía García Fernández

Voceira do PSdeG-PSOE

SRA.ALCALDESA-PRESIDENTA DO EXCMO CONCELLO DE MEAÑO