XXXII Carreira Popular Concello de Meaño.

Achégase o gran día, en que a parroquia de Meaño se enche de atletas, para participar na súa Carreira Popular: será o día 11 de setembro de 2016!!!

Haberá 4 circuitos:

- Longo (6 quilómetros), para os nacidos antes do ano 2002.

- Mediano (1.600 metros), para os nacidos entre o 2003 e o 2008.

- Curto (1.070 metros), para os nacidos do 2009 ao 2011.

- Chupetes (non competitiva) (100metros), para os nacidos a partir do 2012.

- Ademais, tamén se poderá participar na categoría de Andantes (non competitiva) (3,5 quilómetros).

Todos os circuitos tomarán a saída ás 11:00 horas, agás o circuito Chupetes, que o fará ás12:00 horas.

A carreira é gratuita, pero convídase a cada participantes a doar un quilo de alimentos non perecedoiros, cando vaia recoller o seu dorsal o día da carreira, para o Programa de Emerxencia Social do Concello.

Tedes que inscribirvos na web, pinchando aquí, onde tamén tedes a información completa sobre a proba. Facédeo antes das 23:59 horas do xoves 8 de setembro

OLLO:  Os participantes na categoría de Andantes, terán que inscribirse presencialmente o día 11 de setembro entre as 9:00 e as 10:30 horas, na Praza do Concello.

Como novidade deste ano, vanse organizar actividades (visita a unha adega; paseos...) previas á carreira, para os participantes e acompañantes que o desexen, o sábado 10 de setembro. Para poder acudir a elas, hai que facer outra inscripción, esta vez na Casa do Concello, a través dos teléfonos 986.74.71.02 e 986.74.75.85.

Moita sorte a tod@s!!!

XXII Trofeo Concello de Meaño.

 Hoxe estivemos no partido de balonmán, disputado entre o Teucro e o Oporto, na Vixésima Segunda Edición do Trofeo Concello de Meaño.

Os nosos concelleiros, Icía García e Manuel Radío, desfrutaron deste gran encontro.

Anuncios mal publicitados.

Despois da nosa chamada de atención neste blog e no noso facebook, parecía que nas oficinas do Concello de Meaño xa comprenderan onde debe facer un concello os seus anuncios:

- Na súa páxina web, na que se invertiron cartos públicos, dos nosos impostos.

 - Nos taboleiros da Casa do Concello.

 - Nos taboleiros dispostos polas diferentes parroquias, tamén a cargo dos nosos impostos.

Pero, unha vez máis, a confusión reina nestas oficinas, nas que está claro que alguén anda moi confundido, e sorpréndennos publicando, ás dúas da tarde do día 25 de agosto de 2016, un anuncio sobre a ampliación do prazo de inscripción (ata o 29 de agosto) para o Curso de Coctelería e Batidos sen Alcohol, encadrado dentro do Programa da Deputación de Pontevedra "Depo Ruarte 2016", nun perfil dunha rede social, non ligado oficialmente ao Concello de Meaño, mentres que non aparece este dato na páxina web do concello.

Información privilexiada??? Publicidade dun partido político afín ao equipo de goberno???

Nada xustifica este despropósito!!!

Actividades para a fin de semana.

Mañá comeza a fin de semana e ao noso concello volven as actividades, nas que ocupar o noso tempo libre.

-Exposición "Atardecer", no Museo da Muller Labrega: o venres e o sábado de 18:30 a 21:30 horas; e o domingo de 11:00 a 14:00 horas.

- Venres 26 de agosto, de 16:00 a 20:00 horas, na Praza do Concello, en Meaño, haberá unha Festa de Hinchables e Escuma.

Se vai mal tempo, a festa trasladarase ao Pavillón de Meaño.

- Ás 22:30 horas, no contorno da Capela das Angustias, en Xil, actuará o grupo Los Wavy Gravies, dentro do Programa Sons de Verán 2016, do Concello de Meaño.

- Sábado 27 de agosto, ás 10:00 horas, no Campo de As Cachizas, en Dena, enfrontaranse, nun partido de fútbol, o Unión Dena de Xuveniles co Verdugo.

- Ás 12:00 horas, no Campo de As Cachizas, en Dena, xogarán o Unión Dena de Infantiles contra o Armenteira.

- Ás 17:00 horas, no Pavillón de Coirón, en Dena, partido de balonmán entre o Teucro Asmubal Feminino e o Lalín.

- Ás 19:00 horas, no Campo de As Cachizas, en Dena, estarán o Unión Dena Veteranos fronte ao Amanecer Veteranos

- Ás 20:30 horas, no Pavillón de Coirón, en Dena, XXII Trofeo Concello de Meaño, de balonmán.

- Domingo 28 de agosto, ás 10:00 horas, no Campo de As Cachizas, en Dena, desfrutaremos do partido de fútbol entre o Unión Dena de Cadetes e o Portonovo.

- Ás 19:00 horas, no Campo de A Lanzada, partido de fútbol entre o S.D. Noalla e o Unión Dena.

Inspección de Sulfatadoras.

Nagar Servicios Ambientales, S.L.  estará no Concello de Meaño o día 16 de setembro de 2016 na Área Recreativa de O Barreiro en Xil, de 9:00 a 13:30 e de 15:30 a 20:00 horas, para realizar a Inspección Técnica de Maquinarias Fitosanitarias, é dicir, Sulfatadoras, daqueles veciños que o desexen.

Están obrigadas a pasar unha inspección deste tipo, antes do 26 de novembro de 2016, as sulfatadoras de máis de 100 litros e máis de 5 anos de antigüidade.

Podedes conseguir máis información e pedir cita previa, a través da páxina web de Nagar Servicios Ambientais, S.L. ou no número de teléfono da empresa: 981.79.25.19

Comedor da Escola Infantil Municipal.

Acaba de publicarse o anuncio da aprobación inicial da modificación da taxa da Escola Infantil Municipal de 0 a 3 anos.

Con esta ordenanza modificada, trátase de dar cabida ao servizo de comedor, que recordamos vai consistir en quentar e dar a comida, que as familias acheguen nun tupperware.

Este servizo, tal e como está redactado na ordenanza, conta cun prezo único e non ten en conta a situación económica familiar, polo que non se aplican descontos.

Ademais, tamén se fixa a contía por cada hora, a maiores das adxudicadas, que precisen usar as familias dos servizos da escola.

Tedes 30 días hábiles, a partir de mañá, para consultar esta modificación e facer as alegacións que consideredes oportunas.

Modificación da taxa da Escola de Música Municipal de Meaño.

No Boletín Oficial da Provincia de Pontevedra publícase o anuncio da aprobación inicial da modificación da taxa da Escola de Música Municipal de Meaño.

A partir de mañá, aquelas persoas, que o desexen, poden pasar a revisar o expediente nas oficinas municipais e/ou, se é o caso, presentar as alegacións que consideren oportunas.

Dispoñen de 30 días para isto.

Música coa San Simón Fiddle en Dena.

Esta tardiña desfrutamos da música da San Simón Fiddle, no Parque do Centro Médico de Dena.

Estes xóvenes artistas crearon un espectáculo moi divertido, polo que temos que darlles os nosos parabéns.

Interpretaron música galega, irlandesa ou americana, coa que lograron animar ao público asistente.

Durante esta fin de semana...

Recordade que esta fin de semana podedes desfrutar de diferentes actividades:

- Sábado 20 de agosto, ás 21:00 horas, concerto do Grupo de Corda da Orquesta de Galicia Fiddle, no Parque do Centro de Saúde de Dena.

- Domingo 21 de agosto, ás 19:30 horas, partido de fútbol con motivo do Trofeo Prefabricados Dena, no Campo das Cachizas.

Domingo 21, ás 21:00 horas, concerto da Banda Unión Musical de Meaño, na Praza de Simes. 

Despois, haberá verbena a cargo das orquestras Calle Real e Player´s.
O luns 22 tamén hai verbena en Simes, con Trébol e Solara.

Domingo 21, ás 21:00 horas, Cine na Rúa coa película Hotel Transilvania 2, na Alameda de Dena, organizado pola Asociación de Veciños Santa Lucía de Dena.

A desfrutar!!!

Gastos do concello.

O Boletín Oficial da Provincia publicou onte o anuncio da exposición publica, na Secretaría-Intervención do Concello de Meaño, dunha nova modificación de crédito e os usos que se lle vai dar a estes cartos.

Durante os próximos 15 días hábiles, podedes pasar polas oficinas para consultar toda esa información e presentar reclamacións ou suxerencias.

Subvención da Deputación.

A Deputación de Pontevedra concedeulle, no mes de xullo, unha subvención ao Club de Pensionistas e Minusválidos de Dena, para o obradoiro de Conservas Artesanais.

Podedes ver todas as axudas concedidas nesta convocatoria, pinchando aquí.

XXXV Trofeo Prefabricados Dena.

O Unión Dena C.F. acaba de anunciar o primeiro partido da tempada no Campo das Cachizas, en Dena.

Será no XXXV Trofeo Prefabricados Dena, o próximo domingo 21 de agosto, ás 19:30 horas.

Non vos perdades este inicio de campaña!!!

IBI 2016

Desde hoxe ata o 15 de setembro, estarán a disposición do público as listas cobratorias do IBI, nas oficinas da Casa do Concello de Meaño, de maneira que, se alguén precisa facer alegacións, as faga a partir do 16 de setembro de 2016.

Ademais, o período voluntario de pago do Imposto de Bens Inmobles de natureza rústica, urbana ou de características especiais, para o Concello de Meaño, será do 16 de agosto ao 31 de outubro de 2016.

Podedes ver aquí como se pode efectuar o pago.

Penaguda e BUMM.

Esta noitiña pasada, desfrutamos da música da man da Banda Unión Musical de Meaño e da Asociación Cultural Penaguda de Dena, na Alameda de Dena.

Tocaron xuntas algunhas composicións, que resultaron xeniais.

Parabéns ás dúas agrupacións, polo seu fantástico traballo!!!

Exposición no Museo da Muller Labrega.

Desde hoxe e ata o día 31 de agosto, podedes desfrutar da exposición "ATARDECER", da artista GADEA (María José González Area), no Museo da Muller Labrega de Meaño.

Nesta exposición emprégase a técnica do Stofado, na que se emprega a madeira policromada.

Vinde a desfrutar da obra desta artista, natural de Marín.

Recordade que o horario do museo é de luns a sábado (agás os martes, que está pechado), de 18:30 a 21:30 horas; e os domingos e festivos, de 11 a 14 horas.

Ofertas polas obras do Pavillón de Xil.

Podedes ver cales son as empresas que optan á reconstrucción de fachadas e cuberta do Pavillón deXil, así coma as ofertas que presentan cada unha delas e a puntuación que obtiveron na Mesa de Contratación, no seguinte enlace.

Licitación de obra para a mellora do saneamento.

O Boletín Oficial da Provincia de Pontevedra publicou hoxe a convocatoria de licitación, do Concello de Meaño, para a adxudicación da obra de mellora da rede de saneamento no lugar de Pereiras (Dena-Meaño).

A tramitación é urxente e o único criterio de adxudicación é o prezo máis baixo.

O prazo de presentación de ofertas é de 13 días naturais, contados a partir de mañá.

A data é hora, na que se abrirán as ofertas, publicarase no Perfil do Contratante do Concello de Meaño (http://www.contratosdegalicia.es)

O prazo máximo de execución será, en todo caso, o 20 de outubro.

As persoas interesadas, podedes ver cal é a documentación a entregar e de que maneira se debe achegar, no seguinte enlace.

Para consultar o Proxecto Técnico de Mellora da Rede de Abastecemento en Pereiras, podedes pinchar aquí.

Balonmán.

O sábado 27 de agosto terá lugar, no Pavillón de Dena, o XXII Trofeo Concello de Meaño, de balonmán.

Tod@s a desfrutar do deporte ás 20:30 horas!!!

Imposto sobre Actividades Económicas 2016.

O Concello de Meaño acaba de anunciar o cobro do Imposto sobre Actividades Económicas (I.A.E.) 2016.

O prazo para efectuar o pago vai do 15 de setembro ao 21 de novembro de 2016. Despois, do período voluntario, comezará un período executivo, para aqueles que non pagasen.

Podes ver aquí o seu anuncio.

400 bolsas de práctica laboral en empresas privadas.

Acaban de convocarse 400 bolsas de práctica laboral, destinadas a Titulados Universitarios ou de Formación Profesional, segundo os casos, sen experiencia laboral previa, no ámbito da súa titulación.

A convocatoria é en réxime de concorrencia competitiva e pretende promover e completar a formación dos bolseiros, en áreas de coñecemento ou actividades, que poidan facilitar a súa incorporación ao mercado laboral.

A dotación económica das bolsas será de 800 euros ao mes, para os universitarios, e de 700, para os titulados dos ciclos superiores.

Para presentar as solicitudes, previamente farase unha preinscripción na páxina web da Deputación de Pontevedra.

O prazo de presentación é de 20 días naturais, a partir de mañá.

Para consultar cal é a documentación a presentar, os pasos a seguir, como será o proceso de selección, etc, podedes ver o seguinte enlace.

Para que coñezades os perfís das titulación e as empresas nas que se farán as prácticas, podedes ver aquí o seu listado.

Moita sorte a tod@s!!!

Abastecemento de auga.

O Concello de Meaño solicita permiso a Augas de Galicia para levar a cabo obras na zona da Igrexa e Aldea de Abaixo, na parroquia de Covas.

Se alguén se sinte perxudicado, poderá presentar as alegacións oportunas no prazo de 20 días, a partir de mañá.

Podes ver o anuncio aquí.

Bolsas e axudas para alumnado con necesidades específicas de apoio educativo.

O Ministerio de Educación acaba de abrir o prazo para solicitar bolsas e axudas para o alumnado con necesidades específicas de apoio educativo, escolarizados en centros educativos españois.

Poden optar á modalidade derivada de discapacidade ou de trastorno grave de conducta; ou á modalidade derivada de altas capacidades.

O prazo estará aberto desde hoxe ata o 29 de setembro de 2016.

A presentación da solicitude pode ser electrónica, directamente no Ministerio de Educación; ou en papel, no centro educativo no que curse os estudios o alumnado.

Para ver toda a convocatoria, a documentación a entregar e os formularios a cumplimentar, pincha aquí.

Simes en Festas.

-O próximo luns 15 de agosto celébrase, en Simes, Santa María.

Haberá un pasarrúas, a cargo da Asociación Cultural Penaguda, e, a partir das 21:00 horas e dentro do Programa Sons de Verán 2016, actuarán os Amigos do Acordeón de Meaño na Praza de Simes.

Despois, será o turno do Quinteto Magno Brass.

-O domingo 21, será o turno da Virxe do Carme.

O pasarrúas e o concerto ás 21:30 horas, correrán a cargo da Banda Unión Musical de Meaño.

Despois, comezará a verbena coas orquestras Calle Real e Player´s.

-O luns 22 de agosto, conmemorarase a San Roque.

O pasarrúas realizarao a Banda Unión Musical de Meaño e na verbena, que comezará ás 22:00 horas, soarán as orquestras Trébol e Solara.

Os días 21 e 22 de agosto, haberá inchables gratis.

A desfrutar da festa!!!

Moción sobre a entrada á zona de As Covas en Meaño.

O PLENO DO CONCELLO DE MEAÑO

O Grupo Municipal Socialista (PsdeG-PSOE) no Concello de Meaño a través da sua voceira Icía García Fernández e ó abeiro do disposto nos artigos 91.4 e 97 do Regulamento de Organización, Funcionamento e Réxime Xurídico das Entidades Locais (Real Decreto 2568/1986) presenta ante o Pleno da Corporación Municipal a seguinte MOCIÓN, referida ao acceso de As Covas

O concello de Meaño conta con tres instalacións moi visitadas a diario na zona de As Covas, como son, en primeiro lugar, o CEIP, en segundo lugar, o Centro Médico e, en terceiro lugar, O Centro Social Polivalente de Meaño.

Nunha pequena zona albérgase o núcleo neurálxico da parroquia de Meaño e do resto do Concello:

• Ao Centro Médico acércanse pacientes de todas as parroquias do Concello.
• Os usuarios do Centro Polivalente chegan ás instalacións nos vehículos autorizados polo propio Concello ou nos vehículos dos seus familiares.

E, por último;

• Os alumnos e alumnas do CEIP As Covas trasládanse das súas casas ao colexio nos autobuses que se poñen á súa disposición ou nos coches dos seus pais.

Por todos é sabido, que nas horas punta de tódolos días laborais, existe un grave problema no acceso a esta área de As Covas.

Os autobuses vense obrigados a realizar varias maniobras, adentrándose no carril contrario, para poder entrar na pista que os conduce ata o colexio. Estas maniobras realízanas a diario para poder trasladar aos nenos ao colexio.

Se xa de por sí, deben maniobrar con dificultades nese acceso, a tarefa encrucécese máis se existen obstáculos, como poden ser vehículos, que lles dificultan o labor.

Non é a primeira vez que este grupo político pon en coñecemento ao Grupo de Goberno de este hándicap.

É verdade que se tratou de minorar o problema creando zonas de prohibición de aparcamento nos arredores do acceso, pero ben é certo, que estas medidas non solucionaron o problema.

De acordo con todo o anterior, sómetese á consideración do Pleno da Corporación á aprobación a seguinte;

PROPOSTA DE ACORDO:

1. Instar á Xunta de Goberno local a levar a cabo as medidas adecuadas e oportunas para subsanar os deficiencias sinaladas.

En Meaño, 6 de xuño do 2016

Asdo: Icía García Fernández

Voceira do PSdeG-PSOE

SRA.ALCALDESA-PRESIDENTA DO EXCMO CONCELLO DE MEAÑO

Pleno de agosto.

CONVIDÁMOSTE Á SESIÓN ORDINARIA DO

PLENO DA CORPORACIÓN DE MEAÑO 

QUE SE CELEBRARÁ NO CONCELLO O

 VINDEIRO LUNS, DÍA 8 DE AGOSTO DE

 2016, ÁS 20:00 HORAS.

Tratarase o seguinte ORDE DO DÍA:

1.- Aprobación da Acta do Pleno de 13 de xuño de 2016.

2.- Proposta de festas locais, para o ano 2017.

3.- Expediente de modificación de crédito.

4.- Modificación da ordenanza reguladora do prezo público da Escola Infantil Municipal 0-3 anos.

5.- Modificación da ordenanza fiscal reguladora da taxa por ensinanzas especiais nos establecementos docentes do concello. Cursos, ensinanzas e actividades que organice o Concello nas súas competencias educativas, culturais, deportivas e sociais.

6.- Solicitude de subvención da consellería de Política Social.

7.- Dar conta do período medio de pago a provedores e dos prazos de pago de obrigas correspondentes ao 2º trimestre 2016.

8.- Dar contas das delegacións da alcaldía na Xunta de Goberno Local e no Primeiro Tenente Alcalde.

9.- Dar conta das resolucións da Alcaldía.

10.- Moción sobre o acceso de As Covas (Meaño), presentada pola Agrupación Socialista de Meaño.

11.- Rogos e preguntas.

Meaño, a 6 de agosto de 2016

Coral de San Miguel de Lores.

A Coral de San Miguel de Lores organiza o seu tradicional Concerto de Verán, na Capela de San Benito.

Será o sábado 13, ás 22:00 horas.

Non volo perdades!!!

Matrícula aberta na Escola Municipal de Música.

Comeza o prazo de matírcula na Escola Municipal de Música!!!

Non esquezas cubrir a túa solicitude. Pincha aquí para facelo.

- Se este curso asistiches como alumnado á Escola Municipal de Música de Meaño e queres renovar a túa praza, podes facelo desde onte, xoves 4 de agosto, ata o vindeiro sábado 20 de agosto de 2016. Recorda que os sábados pola tarde a Casa do Concello está pechada.

-Se o que queres é matricularte por primeira vez, podes facelo do 1 ao 7 de setembro de 2016. Neste caso, soamente se poderá optar ás prazas que queden dispoñibles, trala matrícula do alumnado que renova praza.

Son poucos días, así que que non se che pase o prazo!!!

- Os/as alumnos matriculados na Escola de Música Municipal de Meaño poderán permanecer como máximo 8 anos na disciplina de Linguaxe Musical e 10 anos na disciplina de instrumento.

- Os criterios para adxudicar as prazas vacantes serán:

1. Empadroados do Concello de Meaño, por orde de entrada da solicitude no Rexistro do propio concello.

2. Ter un irmán xa matriculado nesta escola para o curso 2016-2017.

3. As demais solicitudes presentadas, por orde de entrada no Rexistro do Concello de Meaño.

As listas de admitidos publicaranse na páxina web do Concello de Meaño e no taboleiro de anuncios da entrada da Casa do Concello.

Os non admitidos pasarán á lista de reserva, por se se producise algunha baixa no primeiro trimestre.

O alumnado que pretenda optar a un segundo instrumento ou realizar un cambio de instrumento, poderá facelo unha vez finalizado o prazo de matrícula, sempre e cando  queden prazas vacantes.

- As prazas da Escola de Música son:

21 en Clarinete; 17 en Guitarra e en Trompeta; 16 en Saxofón; 15 en Inicio en Linguaxe Musical I,  en Inicio en Linguaxe Musical II e en cada un dos 8 cursos de Linguaxe Musical; 14 en Frauta Travesa; 12 en Piano Complementario, en Música e Movemento II e en Música e Movemento III; 10 en Música e Movemento I; 9 en Trombón e en Percusion; 8 en Armonía e Análise, en Trompa e en Piano; 7 en Tuba-Bombardino; 6 en Violoncello; 5 en Oboe e en Fagot.

           
           

 - As agrupacións instrumentais de conxunto ( madeira, metal, percusión, guitarra e chelo), a banda infantil e xuvenil e os coros seguirán as seguintes normas:

            - Para comezar en conxunto os/as alumnos/as deberán estar no 2º ano de instrumento e permanecer como mínimo  3 anos.
            - Para comezar en coro os/as alumnos/as deberán estar en Inicio Linguaxe Musical II e permanecer na actividade como mínimo 5 anos.
           - Para formar parte da Banda Infantil os/as alumnos/as deberán estar no 2º curso de instrumento e pasarán a Banda xuvenil por indicación do seu mestre e director, deberán permanecer na actividade como mínimo 5 anos
         
      

Moita sorte a tod@s!!!

Música para comezar a fin de semana.

A Banda Unión Musical de Meaño acaba de anunciar a actuacion da Spree Brass, o próximo venres, na Praza do Concello de Meaño.

As persoas que se acheguen, poderán desfrutar da música creada por estes cinco artistas, procedentes de Berlín:Tim Francis; Yael Fiuza; Rodrigo Ortiz; Adrián Castro; e Takuya Kishimoto.

 

A desfrutar!!!

Bolsa de emprego da Deputación de Pontevedra.

A Deputación vai constituir unha bolsa de emprego para interinidadades e contratacións temporais, no Príncipe Felipe e no Centro Vacacional de A Lanzada.

Se algunha persoa está interesada, deberá entregar a instancia correspondente, xunto cos méritos alegados, e toda a documentación necesaria, en 10 días hábiles, a partir de mañá.

Haberá que cubrir unha instancia por cada posto de traballo, no que se estea interesado.

Os postos son os que seguen: 

-Psicólogo,-a.

-Educadora ou educador.

-Técnica ou técnico especialista en Educación Diúrna ou Nocturna.

-Oficial de cociña.

-Oficial de comedor.

Toda a información sobre as bases e requisitos, pódese consultar no seguinte enlace da

bolsa de emprego 2016.

Moita sorte a tod@s!!!

Festa dos Muíños con premios incluidos.

Un día moi entretido o de onte!!!

De camiño á Área Recreativa dos Muíños,...

 tratamos de identificar persoas e lugares, retratados na exposición de fotografías antigas, recopiladas polos fogares de Concello de Meaño.

Antes de comer, foi obrigado un pase polos postos de artesanía...

 e productos do campo.Todo tiña moi boa pinta!!!!

E chegou a hora de comer...

e a dos sorteos, para as persoas que mercaron a súa entrada.

A primeira afortunada, do noso grupo, foi Icía García, cun estoxo de viño de Bodegas Pablo Padín, de Dena.

O último afortunado da tarde, e segundo do noso grupo, foi Manuel Radío, cunha cesta de froita de Frutas Salgueiro, tamén de Dena.

Despois, foi o turno dos bailes... 

e de concertos coma o de Uxía Senlle. 

Unha noite de amor con Lela

O sábado 30 de xullo, na Área Recreativa dos Muíños de Lores, tivo lugar un concerto da Banda Unión Musical de Meaño, titulado "Unha noite de amor con Lela".

Foi unha oportunidade para desfrutar da boa música, nun contorno fermoso.

PARABÉNS AOS ARTISTAS!!!