Rexéitase unha moción socialista, idéntica a unha do partido de goberno.

Meaño, a 13 de abril de 2016

NOTA DE PRENSA

REXEITASE UNHA MOCIÓN SOCIALISTA IDENTICA Á PRESENTADA POLO PP NOUTRO CONCELLO DA PROVINCIA.

A agrupación Socialista de Meaño, liderada por Icía García, empregou a mesma moción “pola importancia para os veciños” e, ao mesmo tempo, “comprobar como o Grupo de Goberno toma decisión de maneira arbitraria”.

O Grupo de Goberno do Concello de Meaño trata como rogo una petición que a Agrupación Socialista presentou como moción por rexistro. Esta moción rexeitada é idéntica á presentada o mes pasado nun municipio da provincia por uns compañeiros de partido da rexedora meañesa.

Aínda que a Agrupación Socialista de Meaño no pleno anterior pediu que Alcaldía lles enviara exemplos do que entendían que era unha moción, a resposta do Grupo de Goberno foi o silencio.

Para a portavoz socialista Icia García, “as mocións que presentamos adecúanse á lei, polo que queremos que sexan tratadas como mocións e non como rogos. Faremos todo o posible para que sexa así.” Tamén manifestou que xa que a rexedora optou por facer unha lectura sesgada da lexislación vixente, obrigounos a utilizar tódalas ferramentas que a lei lles otorga, incluído acudir á Valedora do Pobo.

A Agrupación Socialista de Meaño solicitou a convocatoria da Comisión de Cultura pola imprecisión da ordenanza reguladora do prezo público pola prestación de actividades lúdicas, recreativas, culturais e formativas. En dita ordenanza non se especifica qué actividades se van a regular nin descontos se poden aplicar, polo que solicitan que se realice cun consenso unánime e co respaldo do Pleno municipal.

Neste pleno, a única petición socialista que o Grupo de Goberno considerou como moción foi a solicitude para dotar dunha ambulancia medicalizada permanente á Comarca do Salnés. Moción que se aprobou por unanimidade dos membros do Goberno local.

Agrupación Socialista de Meaño

Queremos facer máis por ti e por todos.