Mocións presentadas para o Pleno de abril 2016.

Meaño, a 6 de abril de 2016

NOTA DE PRENSA

A AGRUPACIÓN SOCIALISTA DE MEAÑO DENUNCIA AS ESCASAS MEDIDAS DE SEGURIDADE DO CENTRO SOCIAL POLIVALENTE DE AS COVAS.

O PSOE de Meaño presentou este luns, como moción, a subsanación das deficiencias que en medida de seguridade presenta o Centro Social Polivalente de As Cobas. Deficiencias tales como que a saída de emerxencia non está habilitada para persoas que teñan problemas de mobilidade, habendo un escalón, e ademais ao carón de esta saída atopase un estanque que non ten ningún tipo de protección ao seu arredor.

Xa dende a lexislatura pasada, veñen poñendo de manifesto estes problemas de seguridade do Centro Social Polivalente de As Covas, cando mediante petición socialista se colocou a barandilla na rampa de acceso.

Ademais desta proposta, tamén solicitan como moción que a Corporación Municipal inste á Consellería de Sanidade da Xunta de Galicia para dotar de maneira urxente dunha ambulancia medicalizada á Comarca do Salnés. Un servizo do que carece a comarca pese aos datos positivos dos estudios realizados pola Organización Mundial da Saúde.

E por último, presentaron a solicitude de apertura dunha biblioteca municipal na localidade de Dena, coas instalacións adecuadas, para darlle cabida a tódolos públicos; ademais solicitan dotar dos medios e servizos necesarios á biblioteca municipal de Meaño, que non cubren as demandas de espacio de lectura para los vecinos do municipio.

Agrupación Socialista de Meaño

Queremos facer máis por ti e por todos.