Curso de Manipulador-Aplicador de Productos Fitosanitarios.

A empresa Formagal Formación y Servicios, S.L. vai realizar un curso de manipulador-aplicador de productos fitosanitarios, imprescindible para mercar e empregar sulfatos e outros.

O Concello de Meaño informa que o curso se realizará desde o 18 de abril ata o 26 de abril, en horario de luns a venres de 19:30 ata as 22:30 e o sábado de 9:00 a 14:00 horas.

Os interesados podedes informárvos na Casa do Concello en horario de 9:00 a 14 horas ou por teléfono no 986.74.71.02

Campamentos Polideportivos da Deputación.

A Deputación de Pontevedra acaba de publicar as bases, para participar nos Campamentos Polideportivos Príncipe Felipe 2016.

Os destinatarios son os rapaces con domicilio en calquera dos concellos da provincia, nacidos entre os anos 2002 e 2009, ambos incluidos.

Os campamentos distribuiranse en 6 quendas, en cada unha das cales se ofertarán 50 prazas, ata un total de 300. As quendas son as que seguen:

- Primeira quenda: do 11 de xullo ó 16 de xullo.

- Segunda quenda: do 18 de xullo ó 23 de xullo.

- Terceira quenda: do 25 de xullo ó 30 de xullo.

- Cuarta quenda: do 8 de agosto ó 13 de agosto.

 - Quinta quenda: do 15 de agosto ó 20 de agosto.

- Sexta quenda: do 22 de agosto ó 27 de agosto.

Os campamentos realizaranse nas instalacións do Centro Príncipe Felipe, en Montecelo, onde, entre outras, se realizarán as seguintes actividades: saídas ao medio natural; parque multiaventura; tiro con arco; deportes en equipo; actividades acuáticas; obradoiros...

O custo é de 125 euros por neno.

As solicitudes de preinscripción presentaranse a través dun formulario impreso, que se pode conseguir nas oficinas da Deputación en Pontevedra ou Vigo, ou a través dun impreso web, na páxina da Deputación "www.depo.es"

O prazo de presentación comeza mañá e remata o día 15 de abril de 2016.

Música en Meaño.

Hoxe tivo lugar a final do V Concurso de Xóvenes Intérpretes "Jorge Domínguez".

Os ganadores foron:

-Na categoría Infantil: Mateo Beloso Rial.

-Na categoría Mini: Laura Forte Leyenda.

-Na categoría Xuvenil: Esteban Rial Salgueiro.

 Mariña, filla da nosa compañeira Maribel Trelles, quedou segunda na categoría Mini.

Parabéns para todos os pequenos grandes artistas!!!!

Teatro en Dena.

Hoxe foi tarde de teatro para os nosos compañeiros Manuel Radío e Martín Fontán.

A obra representada foi "Comisaría especial para mujeres" do Grupo Teatral O Noso Lar.

Hai poucas oportunidades de desfrutar do teatro no noso concello, así que gracias á Deputación de Pontevedra por facelo posible.

Sobre a Fonte de A Baiuca (Padrenda)

PETICIÓN DE DOCUMENTACIÓN

Dona Icía García Fernández, na súa condición de Voceira do Grupo Municipal Socialista no Concello de Meaño comparece e como mellor en Dereito proceda DI:

Que de conformidade co artigo 226 da vixente Lei 5/1997, do 22 de xullo, de Administración Local de Galicia, os Grupos políticos que compoñen a Corporación Municipal teñen dereito a obter do Alcalde ou Presidente da Comisión de Goberno cantos antecedentes, datos ou informacións consten en poder dos servicios da Corporación Municipal e lles cumpran para o desenvolvemento das súas funcións.

Que o asinante precisa da seguinte documentación:

No lugar de A Baiuca, Padrenda, existe dende fai varios anos unha fonte pública, á que se lle fai anualmente unha análise para confirmar a súa potabilidade.

Por todo o anteriormente exposto, SOLICITO:

Informe da Secretaría de Intervención, ou no seu caso, do concelleiro responsable, sobre os trámites que se fixeron para a instalación da fonte, así como copia dos permisos.

En Meaño, a 18 de marzo de 2016

Asdo. Icía García Fernández

Voceira do Grupo Municipal Socialista

SRA. ALCALDESA-PRESIDENTA DO EXCMO CONCELLO DE MEAÑO

Ideas para a fin de semana.

Chegou a fin de semana!!!!!!

- Para o venres 18 de marzo de 2016:

- A partir das 22:00 horas, Festa da Xuventude de Dena.

- Para o sábado 19 de marzo de 2016:

- Ás 16:00 horas, fútbol Veterano do Meaño contra o Dispaint.

- Ás 17:00 horas, fútbol Veterano do Sisán contra o Dena.

- A partir das 21:30 horas, Festa de San José, coas Orquestras Abanico e Olympus, en Dena.

- Para o domingo 20 de marzo de 2016:

- Ás 17:00 horas, fútbol de Primeira Autonómica do Unión Dena CF contra o SD Amanecer, no Campo das Cachizas.

- Ás 17:30 horas, fútbol de Terceira Autonómica do SC Libertad contra o CD Xil.

- Ás 18:00 horas, Representación Teatral da obra "Comisaría Especial para Mujeres", no Centro Social de Dena.

- Ás 19:30 horas, Final do V Concurso de Xóvenes Intérpretes "Jorge Domínguez", organizada pola Escola de Música Municipal de Meaño, na Casa de Cultura de Meaño.

- Ás 20:30 horas, balonmán Senior do ACD Asmubal contra o BM Ferrolterra, no Pavillón de Coirón.



- Para o luns 21 de marzo de 2016:

- Festa de San Benito Abad, en Lores: as misas serán de 8 a 12 horas; ás 13 horas a misa solemne, cantada pola Coral Polifónica de San Miguel de Lores; e pola tarde, ás 18, 19 e 20 horas.
Ás 17:00 horas, será a Subasta de Ofrendas ao Santo.
A partir das 20:30 horas, Verbena co Grupo de Gaitas "Os do Barro" e coa Banda de Música de Vilanova de Arousa.



Pasade unha boa fin de semana!!!!!

Plan Madruga e Comedor Escolar.

Se o próximo curso (2016-2017), necesitas empregar o Plan Madruga para os teus fillos no CEIP de Coirón-Dena ou no de As Cobas, en Meaño, tes que reservar a túa praza.

Tamén tes que facer a reserva de praza, se o que necesitas é empregar o servizo de Comedor Escolar do CEIP Coirón-Dena.

O prazo de reserva vai desde o 16 de marzo ata o 16 de abril.

Cubride a solicitude na páxina web do concello ou nas oficinas municipais e entregádeas na Casa do Concello antes do 16 de abril.

Sorte a todos!!!!

Delegación na Deputación de Pontevedra.

DELEGACIÓN DO CONCELLO DE MEAÑO NA DEPUTACIÓN DE PONTEVEDRA EN MATERIA DE XESTIÓN DE RECURSOS LOCAIS.

O Pleno da Deputación Provincial de Pontevedra, na sesión ordinaria celebrada o día 26 de febreiro de 2016, acordou aceptar, de conformidade co previsto no artigo 7.2 do Real Decreto Lexislativo 2/2004, de 5 de marzo, polo que se aproba o Texto refundido da Lei reguladora das facendas locais, a delegación que realizou o concello de Meaño por acordo do Pleno municipal de data 14 de decembro de 2015, das facultades de recadación en vía executiva dos ingresos de dereito público que se atopen pendentes de cobro na tesourería do concello.

A citada delegación realizarase pola Deputación de Pontevedra a través dos seus servizos tributarios.

 

Reserva de praza na Escola Infantil Municipal de 0 a 3 anos.

Se precisas unha praza na Escola Infantil Municipal para o curso que vén e é a primeira vez que o teu fillo ou filla vai acudir, tes desde o 15 de marzo ata o 15 de abril para facer a túa reserva de praza.

Has de acudir ao Departamento de Educación do concello coa a documentación que segue:

-Modelo de solicitude, dispoñible na web do concello.
-D.N.I. da nai, pai ou titor legal.
-Tarxeta sanitaria do menor.
-Libro de familia.
-Se é o caso, libro de familia numerosa.
-Xustificante de ocupación ou desemprego (última nómina, certificado de vida laboral, certificación da empresa ou certificación como demandante de emprego).
-Declaración do IRPF do exercicio 2014 dos dous proxenitores ou certificación expedida pola Axencia Estatal de Administración Tributaria, no caso de non estar obrigados a declarar.
-Certificado de convivencia do solicitante.

Non quedes sen a túa praza!!!

Campamentos de verán en A Lanzada.

A Deputación de Pontevedra acaba de publicar as bases para participar nos campamentos de verán de A Lanzada.

O programa vai dirixido a menores residentes na provincia de Pontevedra, nacidos entre o 2003 e o 2008, ambos inclusive.

A Fundación La Caixa subvenciona algunhas destas prazas, para menores procedentes de familias en situación de exclusión social ou en risco de exclusión.

Este tipo de prazas xestionaránse a través dos Servizos Sociais dos Concellos.

Os campamentos distribuiranse en 11 quendas, distribuídas nas seguintes datas:

- Primeira quenda: do 26 de xuño ao 2 de xullo.

- Segunda quenda: do 3 ao 9 de xullo.

- Terceira quenda: do 10 ao 16 de xullo.

- Cuarta quenda: do 17 ao 23 de xullo.

- Quinta quenda: do 24 ao 30 de xullo.

- Sexta quenda: do 31 de xullo ao 6 de agosto.

- Sétima quenda: do 7 ao 13 de agosto.

- Oitava quenda: do 14 ao 20 de agosto.

- Novena quenda: do 21 ao 27 de agosto.

- Décima quenda: do 28 de agosto ao 3 de setembro.

- Undécima quenda: do 4 ao 10 de setembro.

A realización da derradeira quenda queda condicionada á data de comezo das clases do próximo curso escolar.

Ofértanse 200 prazas por quenda.

As solicitudes poden realizarse mediante formulario web ou cun formulario impreso. Ademais, as prazas subvencionadas por La Caixa solicitaranse seguindo o seu propio procedemento.

O prazo de presentación comeza mañá e estará aberto ata o 8 de abril.

Non quedes sen a túa praza!!!! Date présa!!!!

Exposición fotográfica.

Durante un mes, as persoas que se acheguen ao Centro Social de Dena van poder desfrutar da exposición fotográfica das mulleres que se xubilan este ano.

Os nosos parabéns a todas elas!!!!

 A nosa compañeira Esperanza Fernández é unha das mulleres que se xubilan este ano.

 Pasádevos pola primeira planta do Centro Social; non vola perdades!!!

Actos Día da Muller.

No día de hoxe remataron os actos de conmemoración do Día da Muller.

No Centro Social de Dena, comezouse coa obra de teatro "Pudes llorar los viernes".
Trátase dunha obra dura, na que se abordan diferentes aspectos da violencia contra as mulleres.

Esta actuación estivo subvencionada pola Deputación.

 Despois, proxectouse o vídeo "Somos iguais nos oficios", no que se falaba dos traballos de varias veciñas do concello, algunhas das cales foron homenaxeadas no salón de actos.

Tamén recibiron o seu recoñecemento as mulleres que se van xubilar ao longo deste 2016.

Festival de Habaneras en Meaño.

Esta tarde estivemos no Festival de Habaneras na Casa de Cultura de Meaño.
O Coro Parroquial San Juan de Meaño, que preside a nosa compañeira Rosario, foi quen organizou este encontro.

 Aquí vos deixamos fotografías dalgunhas das actuacións.

Debemos felicitar a todas as corais polo seu bo facer, polo seu esforzo e entusiasmo.

 

Gracias por facernos desfrutar desta tarde musical!!! 

Nota de prensa: o CEIP Coirón-Dena no Parlamento de Galicia

Meaño, a 13 de marzo de 2016

NOTA DE PRENSA

AS DEFICIENCIAS DO CEIP DE COIRÓN-DENA CHEGAN Ó PARLAMENTO GALEGO DA MAN DA AGRUPACIÓN SOCIALISTA DE MEAÑO.

Despois dunha reunión organizada por Icia García, voceira da Agrupación Socialista de Meaño, coa ANPA “Sementeira” e a deputada autonómica Patricia Vilán Lorenzo, o Grupo Parlamentario dos Socialistas de Galicia presentaron unha proposta para debater no Parlamento Galego as deficiencias existentes no CEIP de Coirón-Dena, as cales a deputada autonómica puido comprobar de primeira man.

Na iniciativa presentada no Rexistro Xeral do Parlamento de Galicia solicítase instar á Xunta de Galicia para realizar con carácter prioritario e urxente a reparación do pavimento polo risco que representa o seu estado para a seguridade dos nenos e nenas; a substitución de toda a cuberta a tal voou na súa maior parte o día 6 de febreiro e as obras de arranxo seguen a ser moi lentas; e o control e erradicación da praga de carcoma.

Ademais, con carácter preventivo, o control das fisuras do forxado teito da primeira planta e das escaleiras, avaliando a súa evolución e actuando en consecuencia. E con carácter secundario, aínda que non por iso menos importante, a colocación de burletes de goma na carpintería exterior.

Tamén se fai constan que nas instalacións do colexio non hai comedor, polo que os cativos e cativas comen nun barracón de obra que se adaptou, de maneira provisional fai máis de 6 anos

A ANPA do centro xa había manifestado con anterioridade estas deficiencias á Consellería de Educación.

"Mulleres polo cambio político".

Hoxe a nosa compañeira Icía García participou nun encontro no que se debateu sobre a situación da muller na política.

Un gran día!!!

IX Cea de Cofraternización de Mulleres.

Onte celebrouse a Cea Anual de Cofraternización de Mulleres, no Restaurante Rodiño.

Algunhas das mulleres da nosa agupación, entre as que se atopaba Icía García, non faltaron a esta cita.

 

Foi unha noite diferente, na que houbo sorteos de vales de comerciantes locais, boa comida, música e diversión.

Sandra Martinez e Maribel Trelles foron dúas das afortunadas ganadoras no sorteo de vales.

Parabéns!!!

Plan de fin de semana.

Animádevos, que xa está chegando a fin de semana!!!!

-Para o sábado hai previstos os seguintes eventos:

- Partido de Fútbol Veterano, do Salcedo contra o Meaño.

- Ás 18:00 horas, partido de Fútbol Veterano, do Dena contra o Bueu Deportivo, no Campo das Cachizas.

- Ás 20:00 horas, partido de Balonmán senior de 2ª Autonómica Masculina, do BM Deza contra o ACD Asmubal.

- Ás 22:00 horas, IX Cea de Cofraternización de Mulleres no Restaurante Rodiño, dentro dos actos de conmemoración do Día da Muller Traballadora.

- E para o domingo...:

- Ás 17:30 horas, partido de Fútbol de 3ª Autonómica, do C.D. Xil contra o S.D. Chispa, no Campo das Cachizas.

- Ás 18:00 horas, partido de Fútbol de 1ª Autonómica, do UVCD Candeán contra o Unión Dena C.F.

- Ás 18:00 horas, Representación Teatral da obra "Puedes llorar los viernes", da compañía  Teatro 105 Besos; entregaranse os recoñecemento ás mulleres xubiladas durante este ano; proxectarase o vídeo "Somos iguais nos oficios"; e presentarase a exposición de fotografías das mulleres nacidas no ano 1951, no Centro Social de Dena.

- Ás 18:30 horas, Festival de Habaneras, na Casa de Cultura de Meaño, coa actuación de coros de Dena, Xil e Meaño.

- Ás 19:30 horas, Representación Teatral das obras "Casa Vicasa" e "Consulta do doutor", da compañía Grupo de Mulleres Rurais de Lores, no Centro Cultural e Deportivo de Villalonga.

Icía García, invitada á charla-coloquio.

Será un enconto-debate, ao que asistirán invitadas:

-Carmela Silva, Presidenta da Deputación de Pontevedra.

-Pilar Cancela, Deputada Nacional.

-María Quintas, Deputada Autonómica.

-Lara Méndez, Alcaldesa de Lugo.

-Icía García, Concelleira en Meaño. 

Asistide tod@s!!!

Melloras para Lores.

Hoxe publicouse no Boletín Oficial da Provincia o anuncio da aprobación definitiva  do Plan Especial de Mellora do Núcleo Rural de Iglesia-Lores.

Clicando no enlace de enriba, podedes lelo enteiro, coas características e intervencións, que conleva este plan.

Nota de prensa: Encontro "Mulleres para o cambio".

Meaño, a 11 de marzo de 2016

NOTA DE PRENSA

ICIA GARCÍA PARTICIPARÁ NO ENCONTRO PARA FALAR DA PRESENZA DAS MULLERES NA POLÍTICA.

Icia García, voceira da Agrupación Socialista de Meaño, intervirá, o próximo domingo día 13 de marzo de 2016 ás 11:00 horas no Pazo da Cultura de Pontevedra, nun encontro-debate organizado pola Comisión Executiva Provincial do PSdeG-PSOE.

Neste acto tamén intervirán Carmela Silva (Presidenta da Deputación de Pontevedra), Pilar Cancela (Deputada Nacional e Secretaria de Organización PSdeG-PSOE), María Quintas (Deputada Autonómica) e Lara Méndez (Alcaldesa de Lugo).

Unha xuntanza que baixo o titulo “MULLERES POLO CAMBIO POLÍTICO”, quere abordar tres ideas fundamentais sobre a presenza da muller na política, debatendo as dificultades de xénero para participar en política, os plantexamentos das propias mulleres para mudar a política e as políticas de igualdade como un eixo transversal.

Subvención da Diputación de Pontevedra.

A Deputación de Pontevedra acaba de publicar o listado das subvencións concedidas aos concellos, tramitadas polo Servizo de Cooperación.

Pinchando no enlace, podedes ver todo o listado e as asignacións económicas.

O Concello de Meaño acaba de recibir 104.000 euros, para a contratación de traballadores, para a conservación e funcionamento de bens e servizos municipais, dentro do Programa Emprego para a Conservación e Funcionamento de Bens e Servizos Municipais 2016.

Festival de Habaneras e Canción Popular.

As persoas que disfrutan das corais, teñen unha oportunidade única o próximo domingo 13 de marzo.

Será na Casa de Cultura de Meaño, ás 18:30 horas.

Actuarán 3 corais do municipio, como son a Coral Polifónico Ría de Dena, o Coro Santa Eulalia de Xil e o Coro Parroquial San Juan de Meaño; ademais, do Coro Parroquial San Ginés de Sanxenxo e o Coro Parroquial San Mamed da Portela.

Boa tarde de música!!!

Día da Muller Traballadora en Meaño.

8 de marzo: día da muller traballadora.

Esta fin de semana, en Meaño, conmemórase esta data tan significativa.

O sábado 12 de marzo, realizarase a IX Cea de Cofraternización de Mulleres. 

Será no Restaurante Rodiño, en Meaño, a partir das 22:00 horas. A música correrá a cargo do Dúo Prisma.

Se che interesa asistir, podes recoller a túa entrada, ata o día 10 de marzo, nas oficinas dos Servizos Sociais municipais. O prezo é de 23 euros.

Unha noite feminina!!!

O domingo 13 de marzo, no Centro Social de Dena, representarase a obra teatral "Puedes llorar los viernes", da compañía Teatro 105 Besos. Comezará ás 18:00 horas.

Ademais, durante este acto, faráselle entrega dos recoñecementos ás mulleres que xubilaron durante este ano.

Tamén se proxectará o vídeo "Somos iguais nos oficios" e presentarase a exposición de fotografías das mulleres nacidas no ano 1951.

Non faltedes!!!

Concurso de Carteis.

 Onte varios membros da nosa agrupación achegáronse á Quinta de San Amaro en Meaño, para votar polo seu Cartel Anunciador, do Festival de Bandas de Música de Meaño, favorito.

Hai carteis moi orixinais e outros máis clásicos, pero todos son merecedores do primeiro premio.

Non esquezades achegarvos á Quinta de San Amaro e visitar a exposición de carteis.

Nós xa fixemos a nosa aposta, agora tócavos a vós!!!!

Chegou a fin de semana!!!!

Hoxe é venres e para os próximos dous días hai diversión asegurada.

 Mañá, sábado 5 de marzo, podedes elixir entre:

- Ás 10:00 horas, partido de balonmán benxamin mixto, do Fisiosaúde Asmubal Meaño contra o Atlético Guardés, no Pavillón de Coirón.

- Ás 11:00 horas, partido de balonmán alevín mixto, do Fisiosaúde Asmubal Meaño contra o Atlético Guardés, no Pavillón de Coirón.

- Ás 12:00 horas, partido de balonmán cadete feminino, do Circuitos Galicia Asmubal Meaño contra o Cangas, no Pavillón de Coirón.

- Ás 13:00 horas, partido de balonmán infantil feminino, do Circuitos Galicia Asmubal Meaño contra o Cangas, no Pavillón de Coirón.

-Ás 16:00 horas, partido de fútbol veterano, do Meaño Veteranos contra La Verga.

- Ás 16:30 horas, partido de balonmán xuvenil femenino, do CB Tui contra o Circuitos Galicia Asmubal Meaño, no Pavillón de Tui.

- Ás 17:00 horas, partido de fútbol veterano, do Cafetería Roberts Rubitel contra o Dena Veteranos. 

- Ás 20:15 horas, partido de balonmán senior masculino, do Circuitos Galicia Asmubal Meaño contra o AD Carballal, no Pavillón de Coirón.

O domingo 6 de marzo tamén hai onde escoller:

- Ás 10:00 horas, partido de balonmán cadete masculino, do Circuitos Galicia Asmubal Meaño contra o Lavadores UB, no Pavillón de Coirón.

- Ás 11:30 horas, partido de balonmán benxamin mixto, do Fisiosaúde Asmubal Meaño contra o Sar, no Pavillón de Coirón.

- Ás 12:30 horas, partido de balonmán alevín mixto, do Fisiosaúde Asmubal Meaño contra o Sar, no Pavillón de Coirón.

- Ás  16:30 horas, partido de fútbol, do Unión Dena CF contra o Nigrán CF, no Campo das Cachizas.

- Ás 18:00 horas, representación teatral da obra "Mimadriña", a cargo da compañía Moito Morro Teatro, no Centro Social de Dena. Esta obra é para maiores.

- Ás 19:00 horas, partido de fútbol, do CD Ribadumia B contra o CD Xil.


Escollede ben...ou ide a todos!!!!

PATRICIA VILÁN EN DENA.

A semana pasada, Paticia Vilán achegouse ata Dena, invitada pola nosa Agrupación.

  A Deputada Autonómica e a Portavoz da Agrupación Socialista de Meaño, Icía García, mantiveron unha reunión coa Asociación de Nais e Pais de Alumnos Sementeira do C.E.I.P. Coirón-Dena.

Durante a reunión abordaron diferentes temas, tales coma os estragos causados polo temporal ou o estado do comedor escolar.

Moitas gracias á ANPA Sementeira pola súa colaboración e a Patricia Vilán pola súa boa disposición para tratar de solucionar e mellorar algúns dos problemas dos nosos veciños.

Resolución da Alcaldía.

Acaba de publicarse no Boletín Oficial do Estado a resolución da Alcaldía sobre os arbustos da pista do Pazo do Monte en Padrenda.

Se a propietaria non corta os arbustos, farao o concello de maneira subsidiaria.

Le aquí a resolución completa.

Subvencións para galegos retornados.

Se es un galego retornado ou o seu cónxuxe ou fillo e estás pensando en convertirte en traballador autónomo, cooperativista ou socio laboral, esta axuda está pensada para ti.

Ademais dos requisitos específicos, que podes ler clicando aquí, os solicitantes deberán, por exemplo, contar coa nacionalidade española antes do retorno a España; non ter transcorrido máis de dous anos entre a data do seu retorno e a data de presentación da solicitude; residir e exercer a súa actividade laboral ou profesional en Galicia; ou non ter sido beneficiaria desta axuda para a mesma actividade ao abeiro de anteriores convocatorias.

A contía máxima subvencionable será de 4.000 euros, no caso de persoas traballadoras autónomas ou por conta propia, e de 6.000 euros, no caso de persoas socias traballadoras de sociedades laborais ou cooperativas de traballo asociado. 

Cando a persoa solicitante teña 39 anos ou menos, o importe da subvención resultante do parágrafo anterior incrementarase en 1.000 euros, e en 1.000 euros máis no caso de ser muller.

O prazo de presentación das solicitudes remata o 31 de agosto de 2016.

Anótate xa na sede electrónica da Xunta.