O
PLENO DO CONCELLO DE MEAÑO
A
Agrupación Socialista de Meaño, a través da súa voceira Icía
García Fernández, solicita que se reúna a Comisión Informativa
Correspondente para que dictamine favorable esta proposición para
incluíla na orde do día e no próximo pleno do mes de outubro e, ao
mesmo tempo, que sexa
votada e debatida.
O
Grupo Municipal Socialista (PsdeG-PSOE) no Concello de Meaño a
través da súa voceira Icía García Fernández e ó abeiro do
disposto nos artigos 91.4 e 97 do Regulamento de Organización,
Funcionamento e Réxime Xurídico das Entidades Locais (Real Decreto
2568/1986) presenta ante o Pleno da Corporación Municipal a seguinte
PROPOSICIÓN,
referida a Impostos sobre Bens Inmobles (IBI)
O
Imposto de Bens Inmobles é a ferramenta de recadacción e de
xeración de ingresos propios máis importante da que dispón un
concello. Esta recadación permite afrontar boa parte dos gastos e
das inversións municipais, gravando os inmobles dos veciños de
Meaño.
No
caso do IBI, asistimos a situacións nas que bens inmobles situados
nas parroquias soportan unha carga fiscal proporcionalmente máis
elevada que os propietarios de inmobles situados no casco urbán, xa
que en ocasións as vivendas rurais carecen dalgúns dos servizos
básicos que son competencia municipal, tales como abastecemento de
auga potable ou saneamento público.
Outro
colectivo gravado polo IBI sería o das Asociacións ou Agrupacións
sen ánimo de lucro que son propietarias de bens inmobles e que, pola
súa natureza, resútalles difícil cumprir coa obriga deste imposto.
Por
estas razóns, cremos que se debe proceder a unha reformulación da
cota tributaria establecendo bonificacións para aqueles
contribuíntes propietarios de inmobles cun nivel insuficiente de
servizos básicos de titularidade municipal e exencións para os
colectivos sen ánimo de lucro.
De
acordo con todo o anterior, sómetese á consideración do Pleno da
Corporación á aprobación da seguinte MODIFICACIÓN
DA ORDENANZA:
- Modificar o apartado c) do punto 4 do Artigo 2, referido nos seguintes termos:
Os
Bens inmobles localizados en zonas rurais e que dispoñan dun
insuficiente nivel de servizos básicos de titularidade municipal
(auga e saneamento) gozarán dunha bonificación nas condicións que
a continuación se determinan:
a)
Carencia de dous servizos básicos: 60%
b)
Carencia dun dos servizos básicos: 30%
A
bonificación terá que ser solicitada polo interesado/a e
concederase, previa comprobación da carencia dos servizos básicos
de titularidade municipal, polo departamento ou departamentos
municipais que xestionen aqueles servizos.
O
beneficio permanecerá en tanto non se dote de servizos ás
devanditas vivendas.
O
área ou áreas municipais que xestionen estes servizos comunicarán
ao concello cada actuación que aporte algún dos servizos básicos
aos domicilios indicados neste apartado.
O
Concello informará ao suxeito pasivo a perda ou modificación deste
beneficio fiscal.
- Crear un apartado 3 no Artigo 4º, referido nos seguintes termos:
3.
Estarán exentos do Imposto sobre Bens Inmobles os bens dos que sexan
titulares as Asociacións ou Agrupacións sen ánimo de lucro con
domicilio social no termo municipal.
En
Meaño, 12 de Setembro do 2016
Asdo:
Icía García Fernández
Voceira
do PSdeG-PSOE
SRA.ALCALDESA-PRESIDENTA
DO EXCMO CONCELLO DE MEAÑO
No hay comentarios:
Publicar un comentario