Axudas a universitarios por imprevistos.

Se durante este curso escolar, causas sobrevidas ou imprevistas, dificultan a continuidade dos teus estudos universitarios por razóns económicas, podes solicitar esta axuda.

As solicitudes presentaranse preferentemente por vía electrónica, cubrindo o formulario da Sede Electrónica da Xunta de Galicia.

Se a causa imprevista aconteceu antes da publicación desta orde, terás un mes desde o día seguinte da súa publicación no Diario Oficial de Galicia.

Se sucedeu despois da publicación desta orde, terás un mes a partir de que acontecese dita causa, con data límite de 31 de xullo de 2016.

Le todos os requisitos e solicítaa se a precisas.

Estudios para maiores.

Se es maior de dezaoito anos e queres sacar o título de graduado en Educación Secundaria Obrigatoria, en maio e en setembro tes a túa oportunidade.

Mira aquí e apúntate entre o 7 e o 18 de marzo de 2016, clicando aquí, para a convocatoria de maio.

Se o que che interesa é conseguir o título de bacharel e tes máis de 20 anos, aproveita esta oportunidade.

  

Podes inscribirte do 18 de febreiro ao 3 de marzo de 2016.

 

Aprender idiomas no verán.

A Consellería de Cultura e Educación acaba de convocar 150 axudas, para que o alumnado universitario coñeza a lingua de algún dos países membros da Unión Europea, durante o verán de 2016.

As datas nas que se realizarán estas estadías serán entre o 15 de xuño e o 31 de agosto de 2016 e a contía máxima, que se dará, será de 900 euros.

 O prazo de presentación de solicitudes será ata o 14 de marzo de 2016.

Aquí pódese cubrir a solicitude das axudas.

Animádevos a viaxar para aprender idiomas!!!!

Curso preparatorio para certificar competencias dixitais.

O curso preséntase na modalidade de teleformación, polo que é necesario contar cun ordenador persoal e conexión a Internet, para seguir o curso en calquera momento e lugar.

Cada alumno contará con titorías, nas que resolver as súas dúbidas.

Este curso é preparatorio e previo ao exame presencial, que terá lugar no mes de xuño, e está dirixido a maiores de 16 anos ou persoas que os cumpran antes do remate do prazo de inscrición.

Hai 180 prazas e dura 12 semanas (190 horas lectivas).

O prazo de inscrición é de 5 días, a partir de mañá, 28 de xaneiro de 2016 e as solicitudes deberán cubrirse por Internet.

Os temas a abordar son:

• Sistema operativo, busca da información: internet/intranet e correo electrónico (30 horas).

• Aplicacións informáticas de tratamento de textos. LibreOffice Writer (30 horas).

• Aplicacións informáticas de follas de cálculo. LibreOffice Calc (50 horas).

• Aplicacións informáticas de bases de datos relacionais. LibreOffice Base (50 horas).

• Aplicacións informáticas para presentacións: gráficas de información. LibreOffice Impress (30 horas).

Animádevos a probar!!!

Pago único por fillos menores de 3 anos.

A Consellería de Política Social acaba de convocar as súas axudas para o ano 2016, por fillos menores de 3 anos.

Poderán recibir esta axuda:

- Familias con fillos menores de 3 anos a 1 de xaneiro de 2016.

- Familias con fillos adoptados ou acollidos entre o 31 de decembro de 2014 e o 31 de decembro de 2015, aos que a prestación se lles concederá durante os tres anos posteriores á data da resolución xudicial ou administrativa que a declare. 

- Aquelas persoas solicitantes dela no ano 2015 que, cumprindo todos os requisitos, non se lles aboara por insuficiencia orzamentaria.

A prestación consistirá nun pagamento único por cada filla ou fillo menor de tres anos. A contía será a seguinte:

– Cando sexa o primeiro fillo: 360 euros.

– Cando sexa o segundo fillo: 1.200 euros.

– Cando sexa o terceiro fillo e sucesivos: 2.400 euros.

 O prazo de presentación das solicitudes será de corenta días naturais, contados a partir de mañá.

Para ver os requisitos que hai que cumprir, a documentación a entregar ou os lugares de presentación desta, mirade aquí.

Subvencións da Deputación ao Concello de Meaño.

A Deputación de Pontevedra acaba de publicar unha lista das subvencións concedidas polo seu Servizo de Cooperación, no cuarto trimestre do ano 2015.

Ao Concello de Meaño concedéronselle:

- 11.470 euros, para mellorar o contorno do lavadoiro e na Fonte do Pazo.

 - 21.106 euros, para reparación e equipamentos de graderíos do Pavillón Municipal de Meaño.

Podedes ver o anuncio completo pinchando aquí.

Bandeira e Escudo.

Acaba de publicarse o anuncio da nova bandeira e do escudo do Concello de Meaño.

Aquí atoparedes a súa descrición.

Solo para Vivenda Protexida.

No Concello de Meaño a reserva de solo para construír vivenda protexida é do 0'0%, segundo a resolución, que acaba de publicar no Diario Oficial de Galicia o Instituto Galego da Vivenda e Solo, para concellos de 5.000 habitantes.

Xuntanza nocturna.

Onte tocou cea en O Muíño do Ferreiro, en Lores.

Foi unha noite entretida entre compañeiros...porque non vai ser todo traballar!!!

Explotación de percebe, algas e outros.

Acaba de publicarse a Orde que regula a explotación de percebe, equinodermos, solénidos, algas, peneira, anemones e poliquetos en Galicia.

Algúns dos requisitos, para poder traballar na explotación a pé destes recursos, son, por exemplo:

-Estar empadroado nun concello do litoral.

-Ter a certificación profesional.

-Ser maior de 18 anos.

No caso da explotación en embarcacións, algúns requisitos son, por exemplo:

-Contar con menos de 5 artes no permiso de explotación da embarcación.

- Ter menos de 3 TRB ou 2,6 GT no caso da modalidade de percebe; e ter menos de 10 TRB ou 10 GT para o resto das modalidades.

 -Dispoñer de medios mecánicos de propulsión.

-Os tripulantes deben estar en posesión dos certificados profesionais. 

Se vos interesa o tema, entrade no enlace que aparece máis arriba e lede toda a información.

200 BOLSAS DE PRÁCTICAS LABORAIS!!!

A Deputación de Pontevedra acaba de convocar 200 BOLSAS para desenvolver prácticas laborais.

Están dirixidas a persoas con título universitario ou de formación profesional, SEN experencia laboral no ámbito da súa titulación.

Trátase de completar a súa formación, de xeito que se facilite, a súa incorporación ao mercado laboral.

Estas bolsas son de concorrencia competitiva e é preciso preinscribirse na páxina web da Deputación.

Algúns requisitos a cumplir, son:

-Ter a nacionalidade española ou dun estado membro da Unión Europea.

-Estar en posesión da titulación requerida, na data en que remate o prazo de presentación de instancias e con posterioridade ao 1 de xaneiro de 2005.

-Estar empadroado nun municipio da provincia de Pontevedra, antes do 1 de xaneiro de 2015 ou acreditar unha antigüidade no padrón de 5 anos como mínimo.

-Ser demandante de emprego ou de mellora no Servizo Público de Emprego.

-Ter o CELGA III, para formación profesional ou o CELGA IV, para os titulados universitarios.

-Estar disposto a asumir os gastos de desprazamento ao centro de traballo, ao que sexa destinado.

Existen máis requisitos, que podedes consultar aquí.

 O prazo de presentación de solicitudes será de vinte días naturais, contados a partir de mañá, 20 de xaneiro de 2016.

Hai dúas bolsas para o Concello de Meaño, pero hai moitas máis para outros concellos do Salnés e organismos dependentes da Deputación.

Non desproveitedes esta oportunidade!!!!

SAN AMARO/SAN MAURO.

Así de animada estaba onte pola noite a Capela de San Amaro/Mauro en Meaño.

Os nosos parabéns a todos os que puxeron o seu gran de area, para conseguir que a tradición siga viva.

Bo traballo!!!

Centros de Compostaxe Comunitarios.

A Deputación de Pontevedra acaba de anunciar a ampliación do prazo, para que os concellos da provincia de Pontevedra, poidan presentar as súas solicitudes para a implantación de Centros de Compostaxe Comunitarios.

Así que, os concellos que estean interesados teñen ata o 1 de febreiro, para solicitalo.

Estará interesado o Concello de Meaño en aforrar na factura do lixo e, ademais, mellorar no coidado ao medio ambiente????

Axudas para o aluguer de vivendas.

Estas axudas están dirixidas ás persoas afectadas por execucións hipotecarias e para os inquilinos de vivendas arrendadas no marco do Programa Aluga.

A solicitude debe realizala a persoa titular do contrato de arrendamento, a través dos modelos incluidos nos anexos, ademais de ser necesaria a presentación de documentación complementaria.

As solicitudes presentaranse antes do día 10 do mes da data de efectos do contrato de arrendamento.

No caso de prórroga do contrato de arrendamento, a solicitude deberá presentarse antes do día 15 do segundo mes anterior ao do vencemento da vixencia do período inicial ou da correspondente prórroga do contrato de arrendamento.

Axudas a particulares para proxectos térmicos de biomasa.

Estas axudas están dirixidas aos propietarios ou titulares de vivendas, comunidades ou mancomunidades de veciños.

Os beneficiarios deberán facilitar canta información se lles requira por parte do Inega.

O prazo de presentación de solicitudes será de un mes: do 3 de febreiro de 2016 ao 2 de marzo de 2016.

As solicitudes serán presentadas polas entidades colaboradoras, xunto coa documentación que se indica nas bases reguladoras.

Clicando neste enlace, conseguiredes toda a información sobre este tema.

Axudas para universitarios.

Se estás no teu segundo ano de carreira ou noutro curso superior, podes solicitar unha axuda para afrontar gastos derivados da matrícula. 

OLLO!: son en concorrencia competitiva.

A dotación asignada a cada beneficiario será a do importe total da matrícula, incluídas as taxas, que é:

-Un máximo de 862,90 euros para as titulacións encadradas dentro da rama de Enxeñaría e Arquitectura e grao en Belas Artes.

 -Un máximo de 618,10 euros para as titulacións encadradas dentro da rama de Artes e Humanidades e Ciencias Sociais e Xurídicas.

O prazo de presentación de solicitudes será dun mes, contado desde hoxe.

Así que, animádevos a consultar toda a información e solicitar a vosa axuda.

V Concurso de Xóvenes Intérpretes.

O Concello de Meaño e a Escola Municipal de Música convocan o "V Concurso de Xóvenes Interpretes Jorge Domínguez".

Poden participar os alumnos da Escola Municipal de Música, menores de 18 anos, que se inscriban antes do 25 de xaneiro de 2016.

As categorías, nas que se poden particiapar son:

- Mini: para o alumnado que se atope no seu primeiro ano de instrumento.

- Infantil: para o alumnado nado entre os anos 2004 e o 2007.

- Xuvenil: para o alumnado nado entre os anos 1998 e 2003.

Animádevos a participar!!!

Recoñecemento de competencias profesionais.

Se tes experiencia laboral, pero non un título, ou a túa formación non foi a través de vías formais, agora tes a oportunidade de que a túa capacidade se vexa recoñecida, a través da acreditación das competencias profesionais.

Esta convocatoria afecta a:

– Atención sociosanitaria a persoas no domicilio.

– Atención sociosanitaria a persoas dependentes en institucións sociais.

– Servizos para o control de pragas.

– Xestión de servizos para o control de organismos nocivos.

– Socorrismo en espazos acuáticos naturais.

– Socorrismo en instalacións acuáticas.

– Extinción de incendios e salvamento.

– Confección e mantemento de artes e aparellos.

– Aproveitamentos forestais.

– Tanatopraxia.

Se che interesa esta oportunidade, non esquezas presentar a túa solicitude en trinta días naturais, contados a partir de mañá, martes 12 de xaneiro.

 Se queres apuntarte a Aproveitamentos Forestais ou Tanatopraxia poderás facelo dentro de 3 meses, contados a partir de mañá, e comprenderá 1 mes natural.

Programa "CONECTADAS 2016".

A Deputación de Pontevedra anuncia o seu programa "CONECTADAS 2016".

Este programa pretende mellorar a formación básica das mulleres e vai destinado ás asociacións, federacións e fundacións sen ánimo de lucro, que busquen a promoción das mulleres; o seu desenvolvemento; a igualdade entre os xéneros...

Quedan excluídas, desta convocatoria, as entidades de maiores, pensionistas ou xubilados, entre outros, xa que existe un programa específico para este colectivo.

 O prazo de inscrición será de 30 días naturais contados a partir de mañá, martes 12 de xaneiro de 2016.

Podedes ver máis información aquí.

Posto de operario encargado de obras e servizos municipais.

O Concello de Meaño, vai seleccionar unha persoa para desempeñar as funcións propias dun operario encargado de obras e servizos.

Os interesados poden presentar as súas solicitudes a partir de mañá e durante os próximos 10 días.

Os requisitos que hai que cumplir, así coma a documentación, o temario para os exames ou as diversas partes do proceso, podedes consultalas clicando aquí.

Moita sorte a todos!!!

                                    

Festa de San Mauro.

Voltan as festas a Meaño!!!

O  próximo 15 de xaneiro, á 1 da tarde, haberá misa na Capela de San Mauro (Amaro), na parroquia de Meaño, e faranse as tradicionais poxas.

Ao día seguinte, sábado 16, ademais da misa á 1 da tarde, faranse as poxas e haberá actuacións de bailes rexionais.

Pola noite, ás 21:30 horas, celebrarase a verbena, na que se poderá desfrutar de callos e queimada.

Achegádevos a Meaño esta fin de semana!!!!

Bono de Alugueiro Social.

 Estas subvencións están destinadas a atender, con carácter urxente, as seguintes situacións:

- Axuda para asumir o custo do arrendamento da vivenda, por estar inmersa en situacións de especial dificultade, coma unha demanda de desafiuzamento por non pagamento das rendas ou por unha resolución xudicial.

- Axuda ás vítimas de violencia de xénero, con dificultades para asumir o custo do arrendamento dunha vivenda e que no momento da solicitude, se atopen residindo nun recurso de acollida dos integrados na rede galega de acollemento para este colectivo.

-Axuda para asumir o custo do arrendamento dunha vivenda de persoas que foran privados da súa vivenda habitual por danos sufridos nesta, derivados dunha circunstancia imprevisible e sobrevida, tales como incendios, inundacións...

 O prazo para a presentación de solicitudes comeza o 31 de decembro de 2015 e termina cando se esgote a partida orzamentaria contida nesta convocatoria e, en todo caso o día 30 de novembro de 2016.

Aquí podedes ler toda a información.

Os anexos e a documentación a entregar, atoparédela aquí.

Contos de Inverno.

Na Biblioteca Municipal de Meaño vaise realizar outro programa de "Manualidades Contadas", para os alumnos de Infantil e Primaria.

Será de 6 a 7:30 da tarde, para 20 participantes, en cada un dos dous grupos, que terán que inscribirse antes, na propia biblioteca ou na Casa do Concello.

As actividades para os alumnos de Infantil serán:

-Xoves 14 e 21 de xaneiro; e 4 e 18 de febreiro.

As actividades para os alumnos de Primaria serán:

-Luns 18 e 25 de xaneiro; e 15 e 29 de febreiro.

Novas Tecnoloxías para PEMES e AUTÓNOMOS.

A Deputación de Pontevedra, a través do Centro Provincial de Asesoramento Empresarial (CPAE 2.0), organiza, durante este mes de xaneiro, 20 obradoiros sobre Novas Tecnoloxías para PEMES e Autónomos.

O que se pretende é asesorar a estes colectivos e impulsar o emprego das tecnoloxías para innovar e aumentar a productividade das súas empresas; introducir a innovación nos procesos produtivos e servizos; facilitar a implantación do comercio electrónico; e crear unha nova canle de venda en liña de produtos e servizos.

Se vos interesa conseguir información, podedes facelo aquí.

Os obradoiros van realizarse en días e lugares diferentes, como podedes ver: Cambados, Pontevedra, Vigo, Ponteareas...

Animádevos a participar!!!

Tarxeta benvida.

As familias que no ano 2016 teñan un fillo ou adopten un menor de un ano, poderán solicitar unha axuda económica.

Esta axuda, cunha contía máxima de 1.200 euros (100 euros ao mes, durante o primeiro ano de vida do bebé), pagarase a través da chamada "tarxeta benvida", que poderá ser utilizada en farmacias, parafarmacias, supermercados e tendas de alimentación.

As solicitudes deberán presentarse preferiblemente por vía electrónica a través do formulario normalizado dispoñible na sede electrónica da Xunta.

 Opcionalmente, tamén se poderán presentar as solicitudes en soporte papel en calquera dos lugares e rexistros da Xunta de Galicia.

  O prazo de presentación de solicitudes será de dous meses contados desde o día seguinte a aquel en que se produce o nacemento.

No caso de dúbida, pódese contactar co teléfono "012" de atención cidadá ou enviar un correo electrónico a "012@xunta.es"

Toda axuda é pouca, hoxe en día, pero, ás veces, non podemos deixar de pensar que no 2016 hai eleccións autonómicas. Terán algo que ver ambos feitos???

Fundación Barrié de la Maza.

A Fundación Barrié de la Maza convoca o seu Programa de Bolsas de Posgrao no Estranxeiro.

Estas bolsas están dirixidas a titulados universitarios, vinculados a Galicia, para realizar Estudos de Máster e Estadías de Investigación en institucións de referencia en todo o mundo.

Os prazos de inscrición son:

-Para o Máster: do 4 de decembro de 2015 ao 15 de febreiro de 2016.

-Para as Estadías de Investigación Predoutoral: do 29 de xaneiro ao 28 de marzo de 2016.

Aquí pódense consultar as bases do programa.

Acreditación de competencias profesionais.

Se tes experiencia laboral, pero non un título, ou a túa formación non foi a través de vías formais, agora tes a oportunidade de que a túa capacidade se vexa recoñecida, a través da acreditación das competencias profesionais.

Se che interesa esta oportunidade, non esquezas presentar a túa solicitude entre o 11 de xaneiro e o 5 de febreiro.

No Anexo II recóllense o nome dos CIFP, onde se vai levar a cabo o proceso de recoñecemento, avaliación e acreditación da competencia profesional.

Os centros da provincia de Pontevedra son:

		CIFP A Granxa	Rúa Areas, s/n (apartado 7) 36860 Ponteareas (San Miguel)	986 64 00 68
		CIFP Manuel Antonio	Avenida de Madrid, s/n (apartado 3138), 36214 Vigo	986 27 38 00
		CIFP A Xunqueira	Rúa Rafael Areses, s/n, 36155 Pontevedra	986 87 30 03
		CIFP Valentín Paz Andrade	Estrada vella de Madrid, 160, 36214 Vigo	986 27 09 04
		CIFP Carlos Oroza	Avenida Montecelo, 16, 36161 Pontevedra	986 84 70 02

Orzamento 2016

Hoxe publícase no Boletín Oficial da Provincia de Pontevedra o anuncio da aprobación inicial do orzamento para o ano 2016.

Se nos próximos quince días hábiles, contados desde o día seguinte á publicación deste anuncio, non se reciben reclamacións, o presuposto municipal considérase aprobado.

PARABÉNS POLA CABALGATA

O MARTES PASADO TIVEMOS A OPORTUNIDADE DE DESFRUTAR DA CABALGATA DE REIS DE DENA, ORGANIZADA DESDE FAI 30 ANOS POLA ASOCIACIÓN "PENAGUDA".

RECOLLÍAN ALIMENTOS E ROUPA USADA, EN COLABORACIÓN CO BANCO DE ALIMENTOS, E, POR SUPOSTO, A NOSA AGRUPACIÓN TIÑA QUE POÑER O SEU PEQUENO GRAN DE AREA, ASÍ QUE MOITAS GRACIAS A JAVIER, ROSARIO, SANDRA E ICÍA.

 GRACIAS Á PENAGUDA POLO SEU ESFORZO, POR MANTER AS TRADICIÓNS E ACHEGAR Á MAXIA AOS MÁIS PEQUENOS E PARABÉNS POLO SEU GRAN TRABALLO!!!!

EXAMES CELGA

A CONSELLERÍA DE CULTURA ACABA DE PUBLICAR A CONVOCATORIA PARA AS PROBAS PARA OBTER OS CERTIFICADOS DE LINGUA GALEGA, NOS NIVEIS CELGA 1,2,3 E 4.

ESTAS PROBAS ESTÁN DIRIXIDOS AOS MAIORES DE 16 ANOS E AS DATAS SERÁN O 2,3,9 OU 10 DE ABRIL, DEPENDENDO DO NIVEL, EN PONFERRADA E EN SANTIAGO DE COMPOSTELA.

O PRAZO DE PRESENTACIÓN DE SOLICITUDES SERÁ DUN MES DESDE MAÑÁ VENRES 8 DE XANEIRO DE 2016.

CLICANDO AQUÍ PODEDES VER TODA A INFORMACIÓN.

PLAN DE PRÁCTICA LABORAL.

A DEPUTACIÓN DE PONTEVEDRA ACABA DE PUBLICAR A LISTA DE CONCELLOS ADMITIDOS NO SEU PLAN DE PRÁCTICA LABORAL.

AO CONCELLO DE MEAÑO CONCEDÉRONLLE 2 BOLSAS:

- 1 PARA UNHA PERSOA CO CICLO SUPERIOR EN ADMINISTRACIÓN E FINANZAS.

-1 PARA UNHA PERSOA COA ENXEÑERÍA TÉCNICA FORESTAL, ESPECIALIDADE EN EXPLOTACIÓNS FORESTAIS.

MIRADE AQUÍ A LISTA COMPLETA.

RECLAMACIÓNS A UNIÓN FENOSA.

PARA TODOS AQUELES PERXUDICADOS POLO APAGÓN DO 1 DE XANEIRO, QUE QUEIRADES RECLAMAR, PARA QUE SE VOS COMPENSE POLO CORTE NO SUMINISTRO, PODEDES FACELO:

- A TRAVÉS  DO TELÉFONO GRATUITO 900.111.999.

- EN PERSOA, EN CALQUERA DAS OFICINAS DE ATENCIÓN AO CLIENTE DA COMPAÑÍA.

- OU POR CORREO ELECTRÓNICO: csdistribucionelectricidad@gasnatural.com.

ONDE DEBE INFORMAR O CONCELLO DE MEAÑO?

SORPRENDIDOS QUEDAMOS CANDO VIMOS O ANUNCIO DO CONCELLO DE MEAÑO...

 PORQUE NON ESTABA NA PÁXINA WEB DO CONCELLO!!!!!

ALGUÉN ANDA MOI CONFUNDIDO NAS OFICINAS DESTE CONCELLO, CANDO OS ANUNCIOS SE FAN NO PERFIL DUN PARTIDO POLÍTICO, NESTE CASO, NO DO PP, EN VEZ DE NA PÁXINA OFICIAL DO CONCELLO.

SEÑORES E SEÑORAS, QUE SEXAN O GRUPO DE GOBERNO NON XUSTIFICA QUE SUCEDAN ESTE TIPO DE COUSAS!!!!

CANDO MENOS, LAMENTABLE!!!

AQUÍ TEDES O ANUNCIO.

A FESTA INFANTIL PREVISTA PARA HOXE NO PAVILLÓN DE XIL, VAI FACERSE NO CENTRO SOCIAL DE DENA, DEBIDO AO MAL TEMPO.

NON ESTABA EN CONDICIÓNS O PAVILLÓN DE XIL????

RESOLUCIÓNS, DO ANO 2015, DAS AXUDAS PARA AS VIVENDAS

HOXE PUBLICÁRONSE AS RESOLUCIÓNS DAS AXUDAS CONCEDIDAS NO ANO 2015 PARA RENOVAR AS CUBERTAS DE TELLA CERÁMICA, CON LOUSAS E A REHABILITACIÓN CON GRANITO DAS FACHADAS.

PINCHANDO NOS ENLACES DE CADA UNHA DAS RESOLUCIÓNS, PODEREDES COÑECER OS NOMES DOS BENEFICIARIOS.

PARABÉNS PARA OS AFORTUNADOS!!!

NON ESQUEZADES PEDIR AS VOSAS PARA ESTE 2016

AXUDAS COMPLEMENTARIAS ÁS ERASMUS+

A Consellería de Educación acaba de convocar, en réxime de concorrencia competitiva, axudas de mobilidade complementarias ás achegadas pola Unión Europea e o Ministerio de Educación, Cultura e Deporte no marco do Programa comunitario Erasmus+.

Estas axudas destinadas aos estudantes das universidades do Sistema universitario de Galicia e dos centros asociados da UNED en Galicia que participan en Erasmus Estudos durante o curso 2015/16.

Os requisitos que hai que cumprir son:

a) Ser cidadán da Unión Europea ou estranxeiro non comunitario con residencia legalizada no Estado español.

b) Estar matriculado/a no curso 2015/16 en calquera das universidades públicas do Sistema universitario de Galicia ou nos centros asociados da UNED nesta comunidade autónoma para realizar estudos universitarios oficiais conducentes a unha titulación de grao, licenciatura, diplomatura, enxeñaría, arquitectura, enxeñaría técnica ou arquitectura técnica.

c) Participar no programa de mobilidade universitaria con fins de estudos con autorización da universidade de orixe e ser beneficiario da axuda do programa Erasmus+.

d) Non ter gozado desta axuda complementaria en convocatorias anteriores.

O prazo de presentación de solicitudes será dun mes, a partir do día 5 de xaneiro.

Podedes conseguir máis información pinchando aquí

PONTEGAL 2016

A Deputación de Pontevedra acaba de publicar  as bases para unirse ao Plan de Subvencións PONTEGAL 2016.

Poderán solicitar a inclusión neste Plan as bandas de música, masas corais, os grupos folclóricos, grupos de gaitas, bandas de gaitas, agrupacións de música tradicional, de música clásica ou de teatro, entre outros, co fin de contribuír a difundir e promover a música, o folclore, o teatro, a danza, o audiovisual e as demais manifestacións artísticas.

O prazo de presentación de solicitudes comezará o próximo martes 5 de xaneiro e rematará o 1 de febreiro de 2016.

As agrupacións seleccionadas comprométense a desenvolver as actuacións que lles asigne a Deputación nos distintos municipios e centros culturais da provincia.

 Tamén se comprometen a velar por que as entidades solicitantes inclúan a publicidade das actividades en lingua galega, empregando linguaxe non sexista e co logo do Pontegal 2016-Deputación de Pontevedra nun lugar visible.

Moitos son os posibles candidatos no noso concello: animádevos!!!

Premios polo Concurso de Debuxos.

O próximo martes 5 de xaneiro, ás 11:30 da mañá, no Centro Social de Dena, o rei Melchor vai entregar os premios aos ganadores do Concurso de Debuxos: "Por que mercar no pequeno comercio de Meaño?"

Ademais, os máis pequenos poderán falar con el, que recollerá as cartas para os Reis Magos e repartirá caramelos e xoguetes aos menores de 14 anos, ata que se acaben os agasallos que traia.

Debemos agradecerlle esta visita á Asociación de Comerciantes Corazón de Meaño.

Moitas gracias!!!