O PLENO DO CONCELLO DE MEAÑO
O Grupo Municipal Socialista (PsdeG-PSOE) no
Concello de Meaño a través da sua voceira Icía García Fernández
e ó abeiro do disposto nos artigos 91.4 e 97 do Regulamento de
Organización, Funcionamento e Réxime Xurídico das Entidades Locais
(Real Decreto 2568/1986) presenta ante o Pleno da Corporación
Municipal a seguinte:
MOCIÓN
Hai un único autobús a Pontevedra ás 7.00 am que implica un cambio
de autobús en Samieira; e un servizo de regreso ás 12.00 do
mediodía. Este horario resulta de moi pouca utilidade xa que chega a
Pontevedra ás 8.00 am cando aínda non existe actividade comercial
ata unha ou dúas horas despois, o que implica unha perda de tempo
importante para ter como única opción de regreso un autobús ás
12.00.
Segundo o real decreto 1211/1990 do 28 de Setembro polo que se aproba
o regulamento da lei de ordenación dos transportes terrestres (BOE
08-10-1990) claramente especifica no seu título III, apartado A) "Os
servizos realizaranse para satisfacer as necesidades dos usuarios co
maior grao de eficacia posible e a utilización máis axeitada dos
recursos sociais"
Á parte da insuficiencia dun único servizo, as deficiencias deste
están á orde do día:
HORARIOS: Estes varían de forma constante. Dunha semana a outra pode existir unha diferenza de ata dez minutos no seu paso polas diferentes paradas, chegando tarde ao enlace de Samieira e deixando aos usuarios tirados na parada ata o seguinte autobús que adoita pasar unha hora e media despois.
HORARIOS: Estes varían de forma constante. Dunha semana a outra pode existir unha diferenza de ata dez minutos no seu paso polas diferentes paradas, chegando tarde ao enlace de Samieira e deixando aos usuarios tirados na parada ata o seguinte autobús que adoita pasar unha hora e media despois.
SERVIZOS QUE NON SE REALIZAN: A pesar de ter un único servizo ao
día, esta empresa demostra unha carencia absoluta de
profesionalidade xustificando a non realización do servizo porque o
autobús non acendeu esa mañá.
RUTAS: Durante os períodos vacacionais (verán, nadal, semana santa,
etc) , a ruta varía. Para chagar a Pontevedra, primeiro levan aos
usuarios facer unha "ruta turística" por Armenteira,
percorrendo todas as paradas de autobús para, a continuación,
deixarnos en Samieira co fin de coller o enlace a Pontevedra. É
dicir, un traxecto que debería durar de media uns 30 minutos,
convértese nunha hora ou máis en chegar ao seu destino.
INFORMACIÓN: Nin neste traxecto; nin en ningún outro que coñeza,
existen información de horarios nas paradas. Se un intenta chamar
por teléfono a empresa que realiza o servizo para informarse, poden
acontecer dúas cousas; ou ben non hai resposta, ou, se responden,
simplemente se desentenden do problema.
Consideramos que esta situación require medidas urxentes; pola
contra, a Administración, encargada de velar polos intereses dos
cidadáns non estaría a cumprir a súa principal función.
Por todo elo, solicitamos ó Pleno da Corporación
a adopción do seguinte.
ACORDO:
Que se solucione este gran problema para os usuarios meañeses deste
servizo; xa sexa a través das suxerencias que a continuación se
detallarán ou doutras:
- Contratación dun mini-bus municipal que percorra todas as parroquias do noso Concello co destino final de Estación de Sanxenxo, en donde poidan enlazar con calquera ruta.
- Contratación dun autobús, xestionado pola Mancomunidade, que resolva ditos problemas, que non ocorren sólo no Concello de Meaño, senon nos concellos veciños.
- Que o Cocello de Meaño interceda polos usuarios meañeses e negocie coa empresa unha mellora das condicións do servizo.
En Meaño, 3 de agosto de 2015
Asdo:
Icía García Fernández
Voceira
do PSdeG-PSOE
SRA.ALCALDESA-PRESIDENTA DO EXCMO CONCELLO DE
MEAÑO
No hay comentarios:
Publicar un comentario