AO PLENO DO
CONCELLO DE MEAÑO
O Grupo Municipal Socialista (PsdeG-PSOE) no Concello de
Meaño a través da sua voceira Icía García Fernández e ó abeiro do disposto nos
artigos 91.4 e 97 do Regulamento de Organización, Funcionamento e Réxime
Xurídico das Entidades Locais (Real Decreto 2568/1986) presenta ante o Pleno da
Corporación Municipal a seguinte MOCIÓN,
referida á creación do Portal de Transparencia.
Según a Exposición de Motivos da Lei 19/2013, do 9
de decembro, de transparencia, acceso á información pública e bo goberno (BOE
nº 295, do 10 de decembro do 2013), a transparencia, o acceso á información
pública e as normas de bo goberno deben ser o eixo principal de toda acción
política.
Só cando a acción dos responsables públicos se somete a escrutinio,
cando os veciños poidan coñecer cómo se toman as decisións que lles afectan,
cómo se manexan os fondos públicos ou baixo qué criterios actúan as nosas
institucións poderemos falar dunha sociedade crítica, esixente e participativa.
No artigo 10 de
dita Lei establécese a creación dun Portal de Transparencia que facilite o
acceso aos cidadáns da información desta natureza e no artigo 12 contémplase
que “todas as persoas teñen dereito a acceder á información pública, nos
termos previstos no artigo 105.b) da Constitución Española, desenvoltos por
esta Lei”.
Unha das principais
funcións da páxina Web do Concello é transmitirlle aos veciños toda a
información das decisións que se acorden ou se tomen nos Plenos, que coñezan o
destino de cada céntimo de diñeiro público do Concello, así como, mostrarlles
as novidades sobre as actividades que se desenvolvan no ámbito do Concello,
entre outras.
No Concello de
Meaño estase a incumprir a citada Lei de Transparencia ao non ter creado o
Portal de Transparencia na Páxina web.
Noutros concellos colindantes
están cumprindo con esta Lei a distintos niveis. Xa sexa creando o Portal de
Transparencia, que é de obrigado cumprimento para os concellos dende o mes de
decembro do 2015, ou a través da aplicación dos indicadores promovidos por
Transparencia Internacional España, que mide e evalúa anualmente aos concellos.
No Portal de
Transparencia deben publicarse, como mínimo, a seguinte información:
1. Información institucional,
organizativa e de planificación: Sobre o Pleno, Xunta de Goberno, a estructura
organizativa do Concello, datos biográficos, retribucións, declaración de
intereses, actividades e bens da Corporación Municipal, mocións presentadas
dende decembro do 2015, postos de traballo e procesos de selección.
2. Información económica, presupuestaria e estadística: Presupostos, contas anuais, estados
financieiros, informes de estabilidade orzamentaria, Licitacións e
adxudicacións, Patrimonio Municipal, relación de contratos menores, mesas de
contratación, modificacións de contratos, convenios e subvencións.
3.
Información de relevancia xurídica: Información da Xunta de Goberno
Local (con ordes do día e extracto de acordos adoptados), información do pleno,
ordenanzas e normativas, reglamentos orgánicos e resolución xudiciais que
afecten ao Concello respetando sempre a Lei Orgánica 15/1999, do 13 de
decembro, de Protección de datos de Carácter Persoal.
De acordo con todo
o anterior, sómetese á consideración do Pleno da Corporación á aprobación
seguinte;
1.
CREACIÓN DO PORTAL DE TRANSPARENCIA NA PÁXINA WEB DO
CONCELLO DE MEAÑO
En Meaño, a 5 de xuño do 2017
No hay comentarios:
Publicar un comentario