Nota sobre a Carreira Popular de Meaño.

Meaño, a 8 de setembro de 2016

OS CONCELLEIROS SOCIALISTAS COMPROMETIDOS COA XXXII CARREIRA POPULAR DE MEAÑO.

Manuel Radío e Icía García van participar en diferentes categorías da tradicional carreira.

A Agrupación Socialista de Meaño estará representada, o domingo 11 de setembro,  polo concelleiro Manuel Radío, que competirá no “Circuito Longo”, e pola voceira do partido Icía García, que participará na categoría de “Andantes”.

Ademais, outros membros da agrupación acompañarán, nesta carreira solidaria, a ambos concelleiros.

Este será o segundo ano que participe Manuel Radío, que se estreou no 2015. “Non pretendo mellorar o meu tempo nin competir, senón desfrutar da experiencia e colaborar cos Servizos Sociais”, afirma o concelleiro.

Hai que recordar, que esta carreira é gratuíta, pero que se convida aos participantes a doar un quilo de alimentos non perecedoiros, como xesto solidario, para o Programa de Emerxencia Social do Concello.

“Trátase dun pequeno xesto, co que queremos demostrar o noso compromiso coas tradicións, o deporte e a solidariedade”, en palabras de Icía García.

Con este fin, estase a facer unha colecta entre os membros, simpatizantes e colaboradores da Agrupación Socialista de Meaño coa que se mercará un lote de alimentos, que se doará antes de comezar a carreira.

Desde a Agrupación Socialista queren recordarlle, ás persoas interesadas en  participar na categoría de andantes, que poden facelo, inscribíndose o domingo antes das 10:30 da mañá.

  

Agrupación Socialista de Meaño

Queremos facer máis por ti e por todos.