Sons de Verán 2016.

Durante os próximos meses, o noso concello vai desfrutar de diversas actuacións musicais e culturais, que non podedes perdervos, baixo o título de "Sons de Verán 2016".

- A primeira delas, terá lugar o próximo sábado, ás 21:00 horas, na Área Recreativa dos Muíños de Lores, a cargo da Banda Unión Musical de Meaño.

- O 2 de agosto, ás 11:30 horas, na Casa de Cultura de Meaño, a compañía Caxoto Contacontos representará a obra de teatro infantil Contos de medo que deixan durmir, dentro do programa "Cultura no Camiño" da Axencia Galega das Industrias Culturais.

- O 13 de agosto, ás 21:00 horas, na Alameda de Dena, na rúa dos Colexios, actuarán a Agrupación Folclórica Penaguda e a Banda Unión Musical de Meaño.

- O 15 de agosto, ás 21:00 horas, na Praza de Simes, é o turno dos Amigos do Acordeón Rías Baixas de Meaño.

- O 20 de agosto, ás 21:00 horas, no Parque do Centro de Saúde de Dena estará o Grupo de Corda da Orquesta Galicia Fiddle.

- O 26 de agosto, ás 22:30 horas, na Capela das Angustias, en Xil, actuará o grupo musical Los Wavy Gravies.

- O 2 de setembro, ás 21:00 horas, na Área Recreativa dos Muíños de Lores, desfrutaremos da actuación musical de Onte e Hoxe.

- O 10 de setembro, na Praza do Concello de Meaño, ás 19:00 horas, representarase a obra teatral Carapuchiña Vermella, da man da compañía Educateatro Producións, dentro do programa "Cultura no Camiño" da Axencia Galega das Industrias Culturais.

Ás 20:30 horas, na mesma praza, será o turno de Troula Animación Infantil Uxía Lambona e a Banda Molona.

- O 11 de setembro, ás 21:00 horas, na Praza do Concello de Meaño, estará a Banda Unión Musical de Meaño con María do Ceo.

Acudide a estas citas e desfrutade da cultura!!!